બધાઈ હો.. / 'તારક મહેતા' પરણી ગયા, રિયલ લાઈફમાં મળી ખૂબસૂરત 'અંજલી', શુભેચ્છા આપવા પહોંચી 'બબીતા

• તારક મહેતા કા ઉલ્ટા ચશ્મા'ના એક્ટર સચીન શ્રોફએ કર્યા લગ્ન
• દુલહન ચાંદનીની ગોલ્ડન બ્લુ કલરની ચોલીમાં તસ્વીર વાયરલ

'તારક મહેતા કા ઉલ્ટા ચશ્મા' અને 'ગુમ હે કિસી કે પ્યાર મેં' જેવી સિરિયલોમાં કામ કરનાર એક્ટર સચીન શ્રોફએ 25 ફેબ્રુઆરીના રોજ બીજી વખત લગ્ન કરી લીધા છે.જેની તસ્વીર પણ સામે આવી છે આ તસ્વીરમાં સચિન શ્રોફની પત્ની ચાંદની ગોલ્ડન બ્લુ કલરના ઘરચોડામાં ખૂબસૂરત દેખાઈ રહી છે. બીજી બાજુ આ નવદંપતીને આશીર્વાદ આપવા માટે તારક મહેતા કા ઉલ્ટા ચશ્માના અંજલીભાભી, બબીતા અને કોમલ ભાભી સાથે જેઠાલાલ પણ આવ્યા છે. તે જ રીતે ગુમ હે કિસી કે પ્યાર મેં સીરીયલના કલાકારો પણ પહોંચ્યા હતા.

નવદંપતીને પાઠવ્યા અભિનંદન

તારક મહેતા કા ઉલ્ટા ચશ્મામા તારકનું પાત્ર ભજવનાર સચિન શ્રોફના લગ્નમાં સમગ્ર કલાકારોની ટીમે દુલ્હા તરફથી મહેમાન બનીને ખૂબ જ આનંદ કર્યો હતો. આ દરમિયાન સાચવીને અભિનંદન આપવા આવેલી બબીતાજી એટલે કે મુનમુન દત્તા એ લીલા કલરના ચોલીમાં પોતાનું સૌંદર્ય નિખાર્યું હતું.

મુનમુન દત્તા સાથે અંજલી સહિતના રહ્યા હાજર
આ દરમિયાન મુનમુન દત્તા સાથે અંજલિ એટલે કે સુનૈના ફિરોઝદાર ગુલાબી ચોલીમાં સુંદર લાગી રહી હતી. ભિડેની પુત્રી સોનુ એટલે કે પલક સિંધવાની પણ નવદંપતિને અભિનંદન આપતી જોવા મળી હતી. અત્રે નોંધનીય છે કે અત્યાર સુધીમાં સચિન શ્રોફના પરિવારથી નવી વહુની ઓળખ છુપાવવામાં આવતી હતી, પરંતુ લગ્ન અને અન્ય ફંક્શનના ફોટા સામે આવ્યા બાદ સચિન શ્રોફની પત્નીની ઓળખ પણ સામે આવી છે. તમને જણાવી દઈએ કે, ચાંદની એક ઇવેન્ટ ઓર્ગેનાઇઝર અને ઇન્ટિરિયલ ડિઝાઈનર છે.