IPLIN
 

T-20 World Cup 2022 / T-20 વર્લ્ડ કપની પહેલી જ મેચમાં જોરદાર 'ખેલ': નામીબિયાએ શ્રીલંકાને આપી મ્હાત

Team VTV 01:51 PM, 16 Oct 22
Follow us
T-20 World Cup 1st match: Big game: Namibia beat Sri Lanka

પહેલી મેચમાં નામિબિયાએ શ્રીલંકાને હરાવ્યું છે. થોડા સમય પહેલા એશિયા કપ જીતનાર શ્રીલંકાએ કલ્પના પણ નહીં કરી હોય કે પહેલી જ મેચમાં તેની આવી હાલત થશે.

  • પહેલી મેચમાં નામિબિયાએ શ્રીલંકાને હરાવ્યું
  • એશિયા કપ જીતનાર શ્રીલંકાને પહેલી મેચમાં મળી હાર 
  • નામિબિયાએ આ મેચ 55 રને જીતીને T20 વર્લ્ડ કપમાં ઐતિહાસિક ડેબ્યૂ કર્યું

ઓસ્ટ્રેલિયામાં 16 ઓક્ટોબરથી એટલે કે આજથી T20 વર્લ્ડ કપ 2022નો પ્રારંભ થયો હતો. પહેલી જ મેચમાં અહિયાં મોટી ઊલટફેર જોવા મળી હતી. જણાવી દઈએ કે પહેલી મેચમાં નામિબિયાએ શ્રીલંકાને હરાવ્યું છે. થોડા સમય પહેલા એશિયા કપ જીતનાર શ્રીલંકાએ કલ્પના પણ નહીં કરી હોય કે પહેલી જ મેચમાં તેની આવી હાલત થશે. નામિબિયાએ આ મેચ 55 રને જીતીને T20 વર્લ્ડ કપમાં ઐતિહાસિક ડેબ્યૂ કર્યું છે. 

મેચ વિશે જણાવીએ તો ક્વોલિફાઈંગ રાઉન્ડની આ પહેલી મેચ હતી અને તેમાં શ્રીલંકાએ ટોસ જીતીને બોલિંગ કરવાનો નિર્ણય લીધો હતો. પહેલા બેટિંગ કરતા નામિબિયાએ 163 રન બનાવ્યા હતા અને મેચ જીતવા શ્રીલંકાને 164 રન બનાવવાના હતા પણ એશિયા કપ ચેમ્પિયન ટીમ 108ના સ્કોર પર ઓલઆઉટ થઈ ગઈ હતી. 

આ રીતે ફેલ થયું શ્રીલંકા
શ્રીલંકાની શરૂઆત નામિબિયા જેટલી જ ખરાબ રહી હતી. શ્રીલંકાએ માત્ર ચાર ઓવરમાં 21 રન બનાવ્યા હતા અને પોતાની 3 વિકેટ ગુમાવી દીધી હતી. જો કે આ પછી શ્રીલંકા મેચમાં વાપસી ન કરી શક્યું. શ્રીલંકા તરફથી કેપ્ટન દાસુન સનાકાએ 29 રનની ઇનિંગ રમી સૌથી વધુ રન બનાવ્યા હતા. નામિબિયાએ આ મેચ 55 રનથી જીતીને એશિયા કપ ચેમ્પિયન ટીમ શ્રીલંકાને હરાવ્યું. 

વર્લ્ડ કપમાં કુલ 16 ટીમોએ ભાગ લીધો છે 
ઓસ્ટ્રેલિયામાં રમાઈ રહેલ આ વર્લ્ડ કપમાં કુલ 16 ટીમો ભાગ લેવા જઈ રહી છે અને 16 ટીમોમાંથી કુલ 8 ટીમો એ સીધા જ ગ્રુપ-12 સ્ટેજ માટે ક્વોલિફાય કરી લીધું છે જ્યારે બાકીની 4 ટીમ ક્વોલિફિકેશન રાઉન્ડ જીતીને તેની જગ્યા વર્લ્ડ કપ મેચમાં નક્કી કરશે. જણાવી દઈએ કે આ ટુર્નામેન્ટ કુલ ત્રણ તબક્કામાં રમાશે જેમાં રાઉન્ડ 1, સુપર-12 અને પ્લેઓફ મેચોનો સમાવેશ થાય છે. ક્વોલિફિકેશન રાઉન્ડમાં 4-4 ટીમોના બે ગ્રુપ બનાવવામાં આવ્યા અને પોતાના જ ગ્રૂપની ટોપ-2 ટીમ સુપર 12 સ્ટેજમાં પહોંચશે અને પછી સુપર-12માં 6-6 ટીમોના બે ગ્રૂપ હશે અને એ ગ્રૂપની ટોપ-2 ટીમ સેમિફાઇનલ સુધી પંહોચશે.

વિજેતા ટીમને કેટલી રાશિ મળશે? 
ICC અનુસાર T20 વર્લ્ડ કપ જીતનાર ટીમને 1.6 મિલિયન ડોલર એટલે કે 13 કરોડ રૂપિયા અને રનર અપ ટીમને 8 લાખ મિલિયન ડોલર એટલે કે 6.5 કરોડ રૂપિયા મળશે. આ સિવાય સેમીફાઈનલમાં પહોંચનારી બાકીની બે ટીમોને 4-4 લાખ ડોલર એટલે કે 3.26 કરોડ રૂપિયા આપવામાં આવશે. જણાવી દઈએ કે T20 વર્લ્ડ કપ માટે કુલ 5.6 મિલિયન ડોલરની ઈનામી રકમ નક્કી કરવામાં આવી અને આ રકમ તમામ 16 ટીમોમાં અલગ અલગ રીતે વહેંચવામાં આવશે. 

કયા જોઈ શકશે મેચ? 
ભારતમાં આ વર્લ્ડ કપનું પ્રસારણ સ્ટાર સ્પોર્ટસની અલગ અલગ ચેનલ પર કરવામાં આવશે અને સાથે જ હોટસ્ટાર પર લાઈવ સ્ટ્રીમિંગ પણ જોવા મળશે. આ સાથે જ દૂરદર્શન પર પણ આ મેચ બતાવવામાં આવશે. 

વર્લ્ડ કપ માટેની ટીમ ઈન્ડિયા 
- રોહિત શર્મા (કેપ્ટન), કેએલ રાહુલ (વાઈસ-કેપ્ટન), વિરાટ કોહલી, સૂર્યકુમાર યાદવ, દીપક હુડા, ઋષભ પંત (વિકેટકીપર), દિનેશ કાર્તિક (વિકેટકીપર), હાર્દિક પંડ્યા, આર.કે. અશ્વિન, યુઝવેન્દ્ર ચહલ, અક્ષર પટેલ, ભુવનેશ્વર કુમાર, હર્ષલ પટેલ, અર્શદીપ સિંહ, મોહમ્મદ શમી.

સ્ટેન્ડબાય ખેલાડીઓઃ શ્રેયસ ઐયર, રવિ બિશ્નોઈ, મોહમ્મદ સિરાજ, શાર્દુલ ઠાકુર.

T-20 World Cup T-20 World Cup 2022 T-20 World Cup 1st match નામિબિયા શ્રીલંકા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ