અત્યારે પીરિયડ્સમાં વધુ પડતા રક્તસ્ત્રાવની સમસ્યા વધુ જોવા મળે છે. આ પ્રકારની સમસ્યા જે કિશોરીઓને પીરિયડ્સની શરઆત હોય તેમનામાં અને જે સ્ત્રીઓને મેનોપોઝની શરઆત હોય તેમનામાં વધારે જોવા મળે છે. પીરિયડ્સમાં વધુ પડતા રક્તસ્ત્રાવની સાથે પેઢાનો દુખાવો, થાક, માનસિક તણાવ, અનિંદ્રા, ભૂખ ઓછી લાગવી, વાળ ઉતરવા તથા હિમોગ્લોબીન ઓછું થઇ જવાની ફરિયાદ પણ જોવા મળે છે. આ સમસ્યાને કારણે નોકરી કરતી સ્ત્રીઓ ઓફિસમાં ધ્યાન દઈને કામ કરી શકતી નથી તથા ઘણીવાર ઓફિસમાં રાજાઓ પણ પાડવી પડે છે.
સૌ પ્રથમ ક્વાલિફાઇડ ગાયનેકોલોજીસ્ટનો સંપર્ક કરી તેમની પાસે સમસ્યાની ચર્ચા કરવી જોઇએ.
તપાસ કરાવવી, જેમાં સોનોગ્રાફી, બ્લડ ટેસ્ટ -cbc, Thyroid, HB, Liver Function Test વગેરે બ્લીડિંગ ક્લોટ ટેસ્ટ કરવામાં આવે છે
પીરિયડ્સમાં વધુ પડતા રક્તસ્ત્રાવની સારવાર
વધુ પડતા રક્તસ્ત્રાવની સારવાર તેના થવાના કારણો મુજબ નક્કી થાય છે. મોટાભાગે દવાઓ તથા જરૂરીયાત પ્રમાણેના ઈન્જેક્શનનો કોર્સ કરવાથી રક્તસ્ત્રાવ નિયમિત તથા સામાન્ય થઈ જાય છે.
કેટલાક દર્દીઓને સર્જરી કરવાની જરૂર પણ પડે છે. અને અમુક કિસ્સાઓમાં જો દર્દીની ઉંમર તથા અન્ય પરિબળો તથા સંજોગો અનૂકુળ હોય તો ડૉક્ટર ગર્ભાશય કાઢી નાખવાની સલાહ આપે છે. જો ડૉક્ટર આવી સલાહ આપે તો હમેશા એકથી વધારે ડૉક્ટરની સલાહ લેવી હિતાવહ છે
લેપ્રોસ્કોપી સર્જરી દ્વારા ઓછો કાપ મુકીને સરળતાથી આ સર્જરી કરી શકાય છે. તે સિવાય આધુનિક પધ્ધતિમાં Thermal Baloon Ablehion દ્વારા ગર્ભાશય કાઢયા વગર સારવાર થઇ શકે છે આ પ્રોસિઝર ખૂબ જ સરળ અન સુરક્ષિત છે. દર્દીને એક જ દિવસમાં જ હોસ્પિટલમાંથી રજા આપી દેવામાં આવે છે.