આમને સામને / ગાંધીનગર મનપા ચૂંટણી: AAP અને ભાજપ સામ-સામે આવતા ખુરશીઓ ઉડી, તો વળી આ સેક્ટરમાં ભાજપ કોંગ્રેસ વચ્ચે મોટી બબાલ

• ગાંધીનગર મનપામાં મતદાન સમયે હોબાળો
• પોદ્દાર ઇન્ટરનેશનલ સ્કૂલ સામે AAP અને ભાજપ વચ્ચે મારામારી
• સેકટર-22ની સરકારી શાળામાં ભાજપ કોંગ્રેસ આમને સામને

ગાંધીનગર મનપાના 11 વોર્ડની 44 બેઠકો પર મતદાન પ્રક્રિયામાં નાગરીકોને મતદાન મથક સુધી પહોંચાડવા ત્રણેય પાર્ટીઓ એડીચોટીનું જોર લગાવી રહી છે. ત્યારે સેક્ટર 19નો વિવાદ માંડ શાંત પડ્યો ત્યાં પોદ્દાર ઇન્ટરનેશનલ સ્કૂલ સામે મોટી બબાલ થઈ છે. AAP-ભાજપ કાર્યકતા સામ સામે આવી જતાં ખુરશીઓ ઉડી હતી.

ગાંધીનગર મનપામાં મતદાન સમયે હોબાળો, પોદ્દાર ઇન્ટરનેશનલ સ્કૂલ સામે થઈ બબાલ, ખુરશીઓ તોડી પેપર સામગ્રી ફેંકી દેવાઈ, ભાજપના કાર્યકરોએ તોડફોડ કરી હોવાના આક્ષેપ#GandhinagarCivicPolls #GandhinagarMunicipalElection@AAPGujarat@BJP4Gujarat pic.twitter.com/Mnq6P8ksGX

— VTV Gujarati News and Beyond (@VtvGujarati) October 3, 2021

ભાજપના કાર્યકરોએ તોડફોડ કરી હોવાના આપ પાર્ટીના આક્ષેપ 
ગાંધીનગર મનપ માં મતદાન સમયે હોબાળો જોવા મળ્યો છે. પોદ્દાર ઇન્ટરનેશનલ સ્કૂલ સામે આમ આદમી પાર્ટીના ટેબલ પર મારામારી થઈ હોવાનું દેખાઈ આવે છે.મતદાન સમયે પોલીસની હાજરીમાં ખુરશીઓ તોડી પેપર સામગ્રી ફેંકી દેવાઈ હોવાનો આરોપ આમ આદમી પાર્ટી લગાવી રહી છે. AAP-ભાજપ સામ-સામે આવતા કાર્યકરો ઉગ્ર બન્યા હતા અને આપના કેન્દ્ર પર મારામારી થઈ હોવાના આરોપ લાગી રહ્યા છે. બંને પક્ષના કાર્યકર્તાઑએ પોલીસની હાજરીમાં મોટી બબાલ કરી હતી છતાંય પોલીસ મૂક પ્રેક્ષક બની તમાશો જોતી હતી.

ગાંધીનગરના સેકટર-22ની સરકારી શાળામાં હોબાળો, ભાજપ-કોંગ્રેસના કાર્યકરો આવ્યા આમને-સામને, ભાજપ-કોંગ્રેસનો એકબીજા પર પ્રચાર કરતા હોવાનો આક્ષેપ#GandhinagarCivicPolls #GandhinagarMunicipalElection @BJP4Gujarat@INCGujarat pic.twitter.com/bHP2gQiA4t

— VTV Gujarati News and Beyond (@VtvGujarati) October 3, 2021

તો વળી સેકટર-22માં ભાજપ કોંગ્રેસ આમને સામને
ગાંધીનગરના સેકટર-22ની સરકારી શાળામાં પણ હોબાળો જોવા મળ્યો છે. ચૂંટણી સમયે આચારસંહિતા લાગુ હોવા છતાં પણ ભાજપ અને કોંગ્રેસના કાર્યકરો પ્રચાર કરી રહયા છે. જે દરમિયાન ભાજપ-કોંગ્રેસના કાર્યકરો આમને-સામને આવી ગયા હતા. બંન્ને પક્ષના કાર્યકરોના એકબીજા સામે આક્ષેપ-પ્રતિઆક્ષેપ કરી રહ્યા છે. અને એકબીજા પર પ્રચાર કરતા હોવાનો દાવો કરી રહ્યા છે.

આ ઉપરાંત સેક્ટર 19માં પણ વિવાદ 
ગાંધીનગર મહાનગરપાલિકાની ચૂંટણીનું મતદાન જોરશોરથી ચાલી રહ્યું છે.પણ સેક્ટર 19ના મતદાન મથકમાં AAPના કાર્યકર્તા બુથમાં ટોપી પહેરી બેસતા વિવાદ સર્જાયો છે. દરેક પાર્ટી પોતાનો બુથ કાર્યકર ચૂંટણીમાં કાઇ ગેરરીતિ ન થાય તે માટે દરેક મતદાન મથકમાં બેસાડતી હોય છે એ જ રીતે  સેક્ટર 19ના મતદાન મથકમાં AAPના કાર્યકર્તા ટોપી પહેરીને બેઠા હતા એવો કોંગ્રેસના નેતા નિશીત વ્યાસે આરોપ લગાવ્યો છે. મહત્વનું છે કે ચૂંટણીના મતદાન સમયે આચાર સાહિતા લાગતી હોવાથી મતદાન મથકની 100 મીટરની આસપાસ કોઈ પણ રીતે પ્રચાર કરવો ગેરકાયદે ગણાય છે પણ અહી તો આપનો બુથ કાર્યકર સરેઆમ ચૂંટણી નિયમોનો ભંગ કરી રહ્યો હતો અંદર બેઠેલા અધિકારીઑ પણ આ બાબતને નોટિસ કરી શક્યા ન હતા. ત્યારે સવાલ કોંગ્રેસના નેતા નિશીત વ્યાસે ચૂંટણી અધિકારીને ફોન પર કરી ફરિયાદ કરતાં AAPના મહિલા કાર્યકર્તાએ ટોપી કાઢી નાખી હતી.કોંગ્રેસ નેતાએ AAP પાર્ટી પર મોટા આરોપ લગાવ્યા છે. અને મતદાન મથકમાં બેઠેલા અધિકારી પર પણ મોટા આરોપ કર્યા છે