વિવાદ / SVP હોસ્પિટલના કર્મીઓને ટોર્ચર કરવાનો આરોપ; '700 કર્મીઓને છુટ્ટા કરી કોર્પોરેટ હાઉસને ઘુસાડવાનો પ્રયાસ' કોંગ્રેસ નેતાનો મોટો આક્ષેપ

• SVPને કોર્પોરેટને સોંપવાની હિલચાલ 
• ધારાસભ્ય ગ્યાસુદ્દીન  શેખનો આરોપ 
• કર્મચારીઓનો માનસિક ત્રાસનો આક્ષેપ 

SVP હોસ્પિટલમાંથી કોન્ટ્રાક્ટ કર્મીઓને છુટ્ટા કરવાનાં મામલે કોંગ્રેસનાં ધારાસભ્ય ગ્યાસુદ્દીન શેખ મોટો આરોપ લગાવતા કહ્યું છે કે,700 કર્મીઓને છુટ્ટા કરી કોર્પોરેટ હાઉસને ઘુસાડવા પ્રયાસ કરવાનો આ કારસો છે. SVP બંધ કરવા માટે સરકારી યોજનાઓ બંધ કરાઇ રહીં છે. આ હોસ્પીટલમા  માં વાત્સલ્ય અને આયુષ્માન યોજના બંધ પણ બંધ કરવામાં આવી છે.સત્તાધિશો ઉદ્યોગપતિઓના હાથમાં SVP સોપવા માગતા હોય તેવો તખ્તો ઘડાઈ રહ્યો છે.

સહયોગીઓ આપે છે  કર્મચારીઓને માનસિક ત્રાસ 

બીજી તરફ SVP હોસ્પિટલના કર્મચારીઓ પણ આકરા પાણીએ હોય તેમ કહ્યું કે સહયોગીઓને માનસિક ત્રાસ આપવામાં આવે છે.એટલું જ નહિ,હોસ્પિટલની અંદર ઓડિટોરિયમ રૂમમાં બંધ કરી દેવામાં આવે છે.ઓડીટોરીયમમાં પૂરી દઈને લાઈટો પણ બંધ કરી દેવાતી હોવાના આક્ષેપ લગાવવામાં આવ્યા છે.ઓડિટોરિયમ રૂમની બહાર સિક્યોરિટી તૈનાત કરી દરવાજો બંધ કરી દેવામાં આવતો હોવા સાથે વ્યવહાર પણ યોગ રીતે નાં થતો હોવાના આરોપ લગાવ્યા છે. કોરોના કાળમાં SVP પણ અન્ય ખાનગી હોસ્પીટલની માફક ચર્ચામાં રહી હતી.