IPLIN
 
  • Home
  • Politics
  • India
  • suspended rajyasabha mps spend night outside parliament in protest as farmer unrest grows

ધરણા / લોકતંત્રની સુંદરતા : રાતભર ધરણાં કરી રહેલાં સાંસદો માટે જુઓ ચા કોણ લઈને આવ્યું, વિશ્વાસ નહીં થાય

Team VTV 09:22 AM, 22 Sep 20
Follow us
suspended rajyasabha mps spend night outside parliament in protest as farmer unrest grows

રાજ્યસભામાં અરાજક વ્યવહાર કરનાર સસ્પેન્ડ થયેલા વિપક્ષના 8 સભ્યો સોમવારે રાતે સંસદ પરિસરની બહાર ઘરણા પર બેઠા રહ્યા. રાજ્યસભામાંથી સસ્પેન્ડ તમામ સાંસદ પરિસરમાં અનિશ્ચિત સમય માટે ઘરણા પર બેઠા છે. ટીએમસી નેતા ડેરેક ઓ બ્રાયન, આપના નેતા સંજય સિંહ સહિત વિપક્ષના અન્ય સભ્યોની માંગ છે કે તેમના સસ્પેન્શનને ખતમ થાય ત્યાં સુધી તેઓ ધરણા ચાલુ રાખશે. ત્યારે ઉપસભાપતિ હરિવંશ ધરણા પર બેઠેલ સાંસદો માટે ચા લઈ આવ્યા.

  • કાર્યવાહી દરમિયાન ઉપ સભાપતિ હરિવંશની ઉપર કથિત રુલ બુક ફેંકી હતી
  •  સસ્પેન્ડ 8 સાંસદો સંસદ પરિષરમાં ધરણા પર  બેઠા છે
  • ઉપસભાપતિ હરિવંશ ધરણા પર બેઠેલ સાંસદો માટે ચા લઈ આવ્યા.

ધરણા પર બેઠેલ ટીએમસી સાંસદ ડોલા સેન સમય પસાર કરવા માટે ગીત ગાતા નજરે પડ્યા. ઉલ્લેખનીય છે કે આક્રમક વર્તનને કારણે રાજ્યસભાના ચેરમેન વૈંક્યા નાયડૂએ સોમવારે આ 8 સાંસદોને મોનસૂન સત્રના બચેલા સમય માટે સસ્પેન્ડ  કર્યા હતા. રવિવારે કૃષિ સુધારા સાથે જોડાયેલા બિલને પસાર કરવા દરમિયાન આ સાંસદોનું વર્તન વાંધાજનક જોવા મળ્યું હતુ. જે બાદ તેમના સસ્પેન્ડસનની કામગીરી કરવામાં આવી હતી.

સોમવારે TMC સાંસદ ડેરેક ઓ બ્રાયન, આપ સાંસદ સંજય સિંહ રાજૂ સાતવ, CPI(M)ના કેકે રાગેશ, કોંગ્રેસના રિપુન બોરા, CPI(M)ના ઇલામરમ કરીમ અને ડોલા સેન પણ સસ્પેન્ડને આખા અઠવાડિયા માટે સસ્પેન્ડ કરવામાં આવ્યા હતા. 

રાજ્ય સભાના સભાપતિ વૈંક્યા નાયડૂએ સાંસદોના વર્તન માટે નારાજગી વ્યક્ત કરી હતી. નાયડૂએ ઉપસભાપતિ હરિવંશની વિરુદ્ધ વિપક્ષનો અવિશ્વનો પ્રસ્તાવ ફગાવી દીધો હતો. નાયડૂએ કહ્યું કે પ્રસ્તાવ યોગ્ય પ્રારુપમાં નહોતો.  સાંસદોએ બિલના વિરોધમાં હોબાળો કર્યો હતો.  બિલ ગેરબંધારણીય રીતે પાસ કર્યું હોવાનો ડેરેક ઓ'બ્રાયને આક્ષેપ કર્યો હતો.  ઉલ્લેખનીય છે કે રાજ્યસભામાં રવિવારે કૃષિ બિલ પર ચર્ચા દરમિયાન ઘણો હંગામો જોવા મળ્યો હતો. આ બિલને પસાર કરવાના સમયને આગળ વધારી દેવામાં આવ્યો છે. વિરોધ કરતા વિપક્ષી દળ નારેબાજી કરતા સભાપતિના આસનની સામે ભેગા થઈ ગયા હતા. તેમણે સરકાર પર ખેડૂત વિરોધી હોવાનો આરોપ લગાવ્યો હતો. એટલું જ નહીં સદનની કાર્યવાહી દરમિયાન ઉપ સભાપતિ હરિવંશની ઉપર કથિત રુલ બુક ફેંકી હતી. ત્યારે લોકસાહીની સુંદરતા એ છે કે આખી રાત ધરણા પર બેઠેલા સાંસદો માટે ચા હરિવંશ જ લઈને આવ્યા છે.

રાજ્યસભામાં 8 સાંસદોને સસ્પેન્ડ કરાતા વિપક્ષે સરકાર પર નિશાન સાધ્યું છે. સસ્પેન્ડ કરાયેલા 8 સાંસદો સંસદ પરિષરમાં ધરણા પર  બેઠા છે. ધરણા સ્થળ પર આ સાસંદ પોતાના હાથમાં તકિયા ચાદર લઈ આવ્યા હતા. એ બાદ સરકાર વિરુદ્ધ નારેબાજી કરી હતી. પરિષરમાં સાંસદોએ મહાત્મા ગાંધીની પ્રતિમાંની નજીક ધરણા કર્યા હતા.  આ સાંસદોનું કહેવું છે કે તે નહીં ઝુકે.

RajyaSabha protest Parliament સાંસદ ધરણા રાજ્યસભા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ