સુશાંત સિંહ રાજપૂત કેસમાં ડ્રગ એંગલ સામે આવ્યા બાદ અત્યાર સુધી લગભગ 22 લોકોની ધરપકડ કરવામાં આવી છે. જેમાં સુશાંત સિંહ રાજપૂતની ગર્લફ્રેન્ડ રિયા ચક્રવર્તી, શૌવિક ચક્રવર્તી, હાઉસ મેનેજર સેમ્યુઅલ મિરાન્ડા અને સ્ટાફ દિપેશ સાવંતનો સમાવેશ થાય છે. હવે જામીન પર છૂટેલા દિપેશ સાવંતે બોમ્બે હાઈકોર્ટમાં નાર્કોટિક્સ કંટ્રોલ બ્યુરો સામે પીટિશન દાખલ કરી છે. દિપેશનો આરોપ છે કે એનસીબીએ ગેરકાયદેસર રીતે તેની ધરપકડ કરી હતી અને તેણે 10 લાખ વળતરની માંગ કરી છે.
સુશાંત કેસમાં તપાસ ચાલુ છે
ત્યારે તેના હાઉસ સ્ટાફ દિપેશ સાવંતે એનસીબી પર લગાવ્યો આરોપ
તેણે 10 લાખ વળતરની માંગ કરી છે
રેકોર્ડમાં ધરપકડનો ખોટો સમય બતાવવામાં આવ્યો છે
રિપોર્ટ્સ મુજબ દિપેશે અરજીમાં લખ્યું છે કે એનસીબીએ તેને 4 સપ્ટેમ્બરના રોજ રાત્રે 10 વાગ્યે તેના ઘરેથી ધરપરડ કરી હતી. જ્યારે તે મેજિસ્ટ્રેટ સમક્ષ 36 કલાક પછી એટલે કે 6 સપ્ટેમ્બરની બપોરે રજૂ કરવામાં આવ્યો હતો. અરજીમાં એમ પણ લખ્યું છે કે ધરપકડ 5 સપ્ટેમ્બરના રોજ રાત્રે 8 વાગ્યે રેકોર્ડમાં બતાવવામાં આવી છે. એવા અહેવાલો છે કે દિપેશ એનસીબી પાસેથી 10 લાખ રૂપિયા વળતર માંગી રહ્યો છે.
દિપેશની એનસીબીએ ડ્રગ્સની ખરીદી અને પેડલર્સના આરોપમાં ધરપકડ કરવામાં આવી હતી. સુશાંતની ગર્લફ્રેન્ડ રિયા જેલમાં લગભગ 1 મહિનો રહીને જામીન પર છૂટી છે. બીજી તરફ, સીબીઆઈએ હજી સુધી સુશાંત કેસમાં તપાસ પૂર્ણ કરી નથી. જોકે, એઈમ્સ પેનલના અહેવાલ મુજબ સુશાંતે આત્મહત્યા કરી હતી.