- સૂર્ય ગ્રહને કુંડળીનો પ્રધાન ગ્રહ માનવામાં આવે છે
- સૂર્ય તમને નોકરી, બિઝનેસ અને રાજનીતિમાં અપાવશે સફળતા
- જ્યોતિષમાં સૂર્ય ગ્રહને મજબૂત બનાવવા માટે અનેક ઉપાયો
નોકરી અને બિઝનેસમાં અપાવશે સફળતા
જ્યોતિષમાં સૂર્ય ગ્રહને મજબૂત બનાવવા માટે અનેક ઉપાયો જણાવવામાં આવ્યાં છે. જેને અપનાવીને તમે પણ નોકરી, બિઝનેસમાં સફળતા પ્રાપ્ત કરી શકો છો. એમ પણ આજે રવિવાર છે. આ દિવસ સૂર્યની આરાધના માટે ઉત્તમ માનવામાં આવે છે. આવો, જાણીએ સૂર્યને મજબૂત કરવાના ઉપાયો અંગે.
સૂર્ય ગ્રહને મજબૂત કરવાના 10 ઉપાય
- જે લોકોએ પોતાનો સૂર્ય ગ્રહ મજબૂત કરવો છે. તેમણે ઓછામાં ઓછા 12 રવિવારનું વ્રત રાખવુ જોઈએ. તમે રવિવારનું વ્રત એક આખુ વર્ષ અથવા 30 રવિવાર સુધી પણ રાખી શકો છો. જેનાથી સૂર્યની કૃપા પ્રાપ્ત થાય છે અને સફળતા મળે છે.
- સૂર્યને મજબૂત કરવા માટે રવિવારના દિવસે સ્નાન બાદ લાલ કપડા પહેરો અને ઓમ હ્રીં હ્રીં હ્રૌં સ: સૂર્યાય નમઃ મંત્રના જાપની 3,5 અથવા 12 માળા કરો. આવશ્ય લાભ થશે.
- રવિવારના દિવસે સવારે સ્નાન બાદ એક વાસણમાં શુદ્ધ પાણીમાં લાલ ચંદન, લાલ ફૂલ, હળદર અને કંકુથી મિશ્રિત ચોખા અને દૂર્વા ભેગા કરીને રાખો. પછી સૂર્ય દેવને જળ અર્પણ કરો. આવુ કરવાથી પણ સૂર્ય મજબૂત થાય છે.
- રવિવારના દિવસે મીઠાંનું સેવન ના કરશો. શારીરીક પીડા દૂર થાય છે. આરોગ્ય પ્રાપ્ત થાય છે અને મોંઢા પર આધ્યાત્મિક તેજ વધે છે.
- જેનો સૂર્ય નબળો હોય છે, તેવા જાતકે લાલ અને પીળા રંગવાળા વસ્ત્રો, ગોળ, સોનુ, તાંબુ, માણેક, ઘઉં, લાલ કમળ, મસૂર દાલ, ગાય વગેરેનું દાન કરવુ જોઈએ.
- સૂર્ય માટે તમે માણેકનું રત્ન પણ ધારણ કરી શકો છો. જેની જાણકારી માટે કોઈ સારા જ્યોતિષાચાર્યની મદદ લઇ શકો છો. તમે સૂર્યના ઉપરત્ન તામડા, લાલડી અથવા સૂર્યકાંત મણિ પણ પહેરી શકો છો.
- સૂર્ય દેવને પ્રસન્ન કરવા માટે તમે આદિત્ય હૃદય સ્ત્રોતનો પાઠ કરો. આ દિવસે તમે ગાયત્રી મંત્રનો જાપ પણ કરી શકો છો.
- સૂર્ય ગ્રહને મજબૂત કરવાનો સૌથી સરળ ઉપાય છે રવિવારે ગૌસેવા કરવી. રવિવારના દિવસે ગાયને રોટલી ખવડાવો. માછલીઓને લોટની ગોળીઓ નાખો અને કીડીઓને ખાંડ મુકો.
- સૂર્ય દેવને પ્રસન્ન કરવા માટેનો સૌથી સરળ ઉપાય છે કે તમે દરરોજ પોતાના માતા-પિતાના ચરણ સ્પર્શ કરી આશીર્વાદ લો. તેની આજ્ઞાનું પાલન કરો અને તેમનો ખ્યાલ રાખો.
