હેલ્થ ટિપ્સ / ડાયાબિટીસ, કેન્સર જેવા ગંભીર રોગોથી બચાવે છે આ ઔષધિય પાન, રોજ આ રીતે કરો ઉપયોગ

• અનેક મોટી બીમારીમાં લાભદાયી છે લીમડો
• ઔષધિયો ગુણોનો ભંડાર છે આ એક છોડ
• ત્વચા સહિત અનેક મોટા રોગમાં છે લાભદાયી

કોરોના સંક્રમણ હજુ ઘટવાનું નામ લઈ રહ્યો નથી ત્યારે વરસાદની સાથે અનેક બીમારીઓનું સંકટ પણ વધુ ખતરારૂપ બની રહ્યું છે. આ સીઝનમાં બેક્ટેરિયા અને વાયરસથી થનારા રોગ ઝડપથી ફેલાઈ રહ્યા છે. તેમાં સ્કીન ડિસિઝ, ફંગલ અને બેક્ટેરિયલ ઈન્ફેક્શનની બીમારીઓ પણ દરેક ઉંમરના લોકોને ઘેરી વળે છે. લીમડાને સંસ્કડતમાં અરિષ્ટ કહેવાય છે. તેનો અર્થ છે શ્રેષ્ઠ, પૂર્ણ અને ક્યારેય ખતમ ન થનારું.

લીમડામાં છે આ ઔષધિય ગુણોનો ભંડાર

લીમડામાં વધારે પ્રમાણમાં એન્ટી બેક્ટેરિયલ, એન્ટી ફંગલ તથા બ્લ્ડ પ્યુરીફાઈંગ ગુણ મળી આવે છે. આ ગુણના કારણે તે ત્વચા સંબંધી અને લોહી સંબંધી વિકારોને દૂર કરે છે અને આંતરિક રીતે હાઈડ્રેટ કરીને પોષણ આપે છે. સૌથી સારી વાત તો એ છે કે તેના પ્રયોગથી કોઈ દુષ્પ્રભાવ થતો નથી. 

હેરકેર

જેમને હેર ફોલની સમસ્યા છે અને નાની ઉંમરમાં વાળ સફેદ થઈ રહ્યા છે, બેજાન બન્યા છે તેમને માટે તે વરદાન સમાન છે. આ લોકોએ લીમડાના તેલ કે સરસિયાના તેલમાં લીમડાના પાન ઉકાળીને તે તેલથી મસાજ કરવું. તેનાથી લાભ મળશે. 

સ્કીન માટે પણ છે લાભદાયી

સન એક્સપોઝર તથા અલ્ટ્રા વાયોલેટ રેડિએશનથી ત્વચામાં થનારા ટેનિંગ, ડાર્ક સર્કલ્સ તથા બ્લેકહેડ્સમાં લીમડાના પાનનો પેક પણ રાહત આપે છે. સ્કીન સંબંધી તકલીફો જેમકે ફોલ્લીઓ, ખીલની સમસ્યામાં લીમડાના પાનને પીસીને તેનીની છાલને ઘસીને લેપ લગાવો. આ પાનને ઉકાળીને તેના પાણીથી ન્હાવાથી સંક્રમણથી બચી શકાય છે. લીમડાના પાનનો કાઢો કે પછી તેનો સાબુ નિયમિત વાપરવાથી ઇમ્યુનિટી બગડવાનો ખતરો ઓછો રહે છે.