બેદરકારી / VIDEO : આ તમે ગેમ નહીં પણ લોકોના જીવ સાથે રમી રહ્યા છો, સરકારી આરોગ્ય કચેરીનો વીડિયો વાયરલ

• સુરેન્દ્રનગરનો વિડીયો વાયરલ 
• સરકારી કચેરીમાં રમાઈ રહી છે ગેમ 
• કામકાજના સમયે ગેમ રમે છે કર્મચારીઓ 

ગુજરાતમાં સરકારી કર્મચારીઓની નિષ્ક્રિયતા એ માથાના દુખાવા જેવી સમસ્યા બની ગઈ છે. સરકાર દ્વારા પણ આવા કર્મચારીઓ સામે કોઈ પગલાં લેવામાં ન આવતા હોવાથી સામાન્ય પ્રજા પીડાય છે. 

સુરેન્દ્રનગર જિલ્લાનો વિડીયો

સુરેન્દ્રનગર જિલ્લાનો એક વિડીયો વાયરલ થયો હતો જેમાં જિલ્લાની સરકારી કચેરીમાં કર્મચારીઓ ગેમ રમતાં નજરે પડ્યા હતા. 

વિડિયોમાં સુરેન્દ્રનગર જિલ્લાની આરોગ્ય વિભાગની સરકારી કચેરી હોવાની પુષ્ટિ થઈ હતી. જેમાં સરકારી અધિકારીઓ ખુરશી પર પગ ચડાવીને મોબાઈલમાં ગેમ રમી રહ્યા છે. અને આ કૃત્ય  સરકારી ઓફિસના કામના સમય દરમિયાન કરવામાં આવી રહ્યું છે. 

અરજદારોમાં રોષ 
સામાન્ય માણસને સરકારી કચેરીઓમાં જે હદે મુશ્કેલી વેઠવી પડે છે તેનાથી બધા પરિચિત છે. સામાન્ય માણસ બિચારો ધક્કા ખાઈ ખાઈને ચપ્પલ ઘસી નાખે અને અધિકારીઓ  મોબાઈલમાં મશગુલ હોય તો પ્રજામાં રોષ સ્વાભાવિક છે. અરજદારોમાં રોષના કારણે આગામી સમયમાં પગલાં લેવાય તેવી સંભાવના છે. 

કલેકટર દ્વારા લેવાઈ શકે છે સરપ્રાઇઝ વિઝિટ 
કલેકટર દ્વારા સરકારી કચેરીઓ સરપ્રાઇઝ ચેકીંગ કરે તેવી માંગ ઉઠી હતી. આ માંગને પગલે આગામી સમયમાં કલેકટર દ્વારા ઑફિસોની સરપ્રાઇઝ વિઝિટ લેવાય તેવી સંભાવના છે.