એક સમયે આર્થિક જરૂરિયાતોને પહોંચી વળવા માટે બીડી વર્કર અને હાઉસ સ્કીપિંગ બોય તરીકે કામ કરતાં સુરેન્દ્રન આજે અમેરિકામાં બની ગયા કાઉન્ટી જજ, જાણો કેવી છે એમની સક્સેસ સ્ટોરી.
બીડી બનાવતો વ્યક્તિ આજે અમેરિકામાં જજ બની ગયો
કોણ છે એ વ્યક્તિ અને કેવી રીતે તેને તેનું સપનું પૂરું કર્યું જાણો
કઇંક આવી છે સુરેન્દ્રનની કહાની
લોકો ઈચ્છે તો કઈં પણ કરીને તેનું સપનું પૂરું કરી શકે છે આ વાત આપણે બધાએ સાંભળી હશે. આ વાતને જ સાચી કરતો એક કિસ્સો હાલ સામે આવ્યો છે. કેરળમાં એક બીડી બનાવતો વ્યક્તિ આજે અમેરિકામાં જજ બની ગયો છે. આ સાંભળીને તમને પણ આશ્ચર્ય થયું હશે. કોણ છે એ વ્યક્તિ અને કેવી રીતે તેને તેનું સપનું પૂરું કર્યું એ વિશે આજે અમે તમને જણાવવા જઈ રહ્યા છીએ.
અમે વાત કરી રહ્યા છીએ કાસરગોડમાં જન્મેલા સુરેન્દ્રન કે પટેલની. જણાવી દઈએ કે એમને નવા વર્ષના દિવસે જ યુએસના ટેક્સાસમાં ફોર્ટ બેન્ડ કાઉન્ટી જિલ્લા એક જજ તરીકે શપથ લીધી હતી. સુરેન્દ્રને ગરીબી સામે લડવા માટે બીડી બનાવવાથી લઈને હોટલોમાં હાઉસસકીપીંગ જેવુ કામ કર્યું. આ બધા કામ કરવા પાછળ તેમનો ઉદ્દેશ્ય બસ આટલો જ હતો કે તેમને આગળ ભણવું છે અને એમનું સપનું પૂરું કરવું છે. જ્યારે સુરેન્દ્રન શપથ લઈ રહ્યા હતા ત્યારે તે એમની કહાની કેળવી રહ્યા હતા કે જો આપણે જીવનમાં આપણો દૃષ્ટિકોણ ઊંચો રાખીએ તો તેની આપણા ભવિષ્ય પર કેવી સકારાત્મક અસર પડે છે.
It.
Is.
Official!
I am proud and excited to announce my candidacy and my campaign for judge of District Court 240.
On Monday afternoon, I submitted my application to run in the March 1, 2022, Democratic primary election.#firmonlawfaironjusticepic.twitter.com/KN8zJLkZFu
— Surendran K. Pattel , 240th district court judge (@surendran4judge) December 16, 2021
કઇંક આવી છે સુરેન્દ્રનની કહાની
સુરેન્દ્રન પટેલના પિતા કેરળના કસરાગોડના દૂરના બલાલ ગામમાં દૈનિક મજૂરી કરતા હતા અને તેમના માતા-પિતાના કુલ 6 બાળકો હતો. દસમા ધોરણ પછી સુરેન્દ્રને એમના પરિવારની આર્થિક હાલતને કારણે અભ્યાસ છોડવો પડ્યો હતો અને જે પછી એમને એક વર્ષ સુધી બીડી-રોલર તરીકે કામ કર્યું હતું. આ વિશે સુરેન્દ્રન એ જણાવ્યું હતું કે, 'હું ખૂબ જ ગરીબ પરિવારમાંથી આવું છું અને અમારા પરિવારે ઘણા આર્થિક પડકારોનો સામનો કર્યો છે, જ્યારે હું ધોરણ 9માં હતો ત્યારે મેં બીડી રોલર તરીકે કામ કરવાનું શરૂ કર્યું અને બીજી ઘણી નોકરીઓ પણ કરી. મેં એક વર્ષ બીડી વર્કર તરીકે કામ કર્યું અને તે એક વર્ષના બ્રેકે મારો ભવિષ્ય વિશેનો દ્રષ્ટિકોણ બદલી નાખ્યો હતો અને એ પછીના વર્ષે હું પ્રી-ડિગ્રી કોર્સ માટે એલેરિટાટ્ટુની સરકારી કોલેજમાં જોડાયો હતો.'
દિવસ-રાત મહેનત કરીને દૂર કરી ગરીબી
જણાવી દઈએ કે સુરેન્દ્રને વર્ષ 1992માં પયન્નુર કોલેજમાંથી પોલિટિકલ સાયન્સમાં ડિગ્રી મેળવ્યા પછી પણ પરિવારની આર્થિક જરૂરિયાતોને પહોંચી વળવા માટે દિવસ-રાત અને અઠવાડિયાના સાતેય દિવસ કામ કરતો હતો. એક સમય પછી સુરેન્દ્રને કોઝિકોડની સરકારી લો કોલેજમાં એલએલબી કોર્સ માટે એડમિશન લીધું હતું અને એ સમયે એમને આર્થિક ખર્ચને પંહોચી વળવા માટે શહેરની મલબાર પેલેસ હોટેલમાં હાઉસ સ્કીપિંગ બોય તરીકે કામ કર્યું હતું. એમને આગળ જણાવ્યું હતું કે આ તે જ સમય હતો જ્યારે એમને વર્ષ 1996માં હોસદુર્ગ ખાતે વકીલ તરીકે પ્રેક્ટિસ શરૂ કરી હતી.
આ સાથે એમને એમ પણ જણાવ્યું હતું કે એ પ્રેક્ટિસ એમને નવ વર્ષ સુધી ચાલુ રાખી હતી અને એ પછી એમની પત્ની સુભા સાથે હોસ્પિટલમાં નર્સ તરીકે જોડાયા બાદ નવી દિલ્હી શિફ્ટ થયા હતા. સુરેન્દ્રને ત્રણ વર્ષ સુધી સુપ્રીમ કોર્ટમાં પ્રેક્ટિસ કરી હતી. એ પછી એમની જીવનમાં વળાંક આવ્યો અને સુરેન્દ્રનની પત્નીને યુએસમાં એક મોટી મેડિકલ ફેસિલિટીમાં કામ કરવા માટે પસંદ થઈ હતી અને એ સાથે જ એમને ત્યાં કાયમી નિવાસી વિઝા પણ મળ્યા હતા જએ પછી વર્ષ 2007માં સુરેન્દ્રન એમની પત્ની સાથે હ્યુસ્ટન, ટેક્સાસ રહેવા આવી ગયા હતા. એ બાદ પટેલે ટેક્સાસમાં બારની પરીક્ષા આપી અને પ્રથમ પ્રયાસમાં જ તે પાસ કરી હતી.
— Surendran K. Pattel , 240th district court judge (@surendran4judge) December 16, 2021
વિરોધનો પણ સામનો કરવો પડ્યો હતો
સુરેન્દ્રને યુનિવર્સિટી ઓફ હ્યુસ્ટન લો સેન્ટરમાં 2011માં પરીક્ષા પાસ કરી હતી અને એ પછી એમને ફેમિલી લો, સિવિલ અને કોમર્શિયલ લિટીગેશન, રિયલ એસ્ટેટ, ફોજદારી સંરક્ષણ વગેરે સહિતના ક્ષેત્રોમાં પોતાની લૉ ફર્મ દ્વારા પ્રેક્ટિસ શરૂ કરી હતી. સુરેન્દ્રન માટે આ બધું સહેલું નહતું, એમને આ દરમિયાન ઘણી મુશ્કેલીઓનો સામનો કરવો પડ્યો હતો. એ સમયે એમને ડેમોક્રેટિક પાર્ટીની પ્રાઇમરી સીટિંગ જજ સાથેની સ્પર્ધામાં રિપબ્લિકન ઉમેદવારને હરાવ્યા હતા અને એ સમયે પટેલ 'ફર્મ ઓન લો, ફેર ઓન જસ્ટિસ'ના સૂત્ર સાથે ચૂંટણી લડીને ન્યાયની સમાન પહોંચના મુદ્દાને ઉજાગર કર્યો હતો. આ વિશે વાત કરતાં સુરેન્દ્રને કહ્યું હતું કે તેમને વિરોધીઓ તરફથી ઘણી નકારાત્મક પ્રચારનો સામનો કરવો પડ્યો હતો અને એ સમયે તેમના ઉચ્ચાર, જન્મ સ્થળ વગેરે વાતોને લઈને પણ એમના પર હુમલો કરવામાં આવ્યો હતો.
સુરેન્દ્રને એક ઉદાહરણ પણ સેટ કર્યું
સુરેન્દ્રનના મતે ત્યાં સુધી તમે સારા જજ ત્યાં સુધી ન બની શકો જ્યાં સુધી તમે અન્ય વ્યક્તિના સ્વભાવને સહન ન કરી શકો. સુરેન્દ્રને તેમની પત્ની સુભાના હાથ પર રાખેલ ભગવદ ગીતા અને યુએસ બંધારણ હેઠળ શપથ લીધા હતા. આ દરમિયાન એમની પુત્રીઓ અનગા અને સાન્દ્રા તેમની બાજુમાં ઉભી હતી. જણાવી દઈએ કે પટેલે ગ્રેટર હ્યુસ્ટનના 2,500 સભ્યોના મલયાલી એસોસિએશનના પ્રમુખ તરીકે પણ સેવા આપી છે.