VIDEO / સુરતના ચલથાણ ગામે છોકરીની છેડતી કરનારાઓને અનોખી સજા, માથાનું થયું 'અર્ધમુંડન'

• સુરતના ચલથાણ ગામે ત્રણ સગીરો દ્વારા છોકરીની છેડતી
• પોલીસને સોંપવાના બદલે લોકોએ પકડીને કર્યું અર્ધ મુંડન
• લોકો મુંડન કરતા હોવાની ઘટનાનો વીડિયો થયો વાયરલ

ગતિશીલ ગુજરાતમાં વધી રહી છે અપરાધોની ગતિ 

ખાસ ચિંતાજનક વાત તો એ છે કે મહિલાઓની છેડતીનું આ દુષણ હવે રાજ્યના સગીર વયના છોકરાઓમાં પણ વધી રહ્યું છે. આ જ શ્રેણીમાં સુરતમાં ચલથાણ ગામમાં એક સગીર વયની યુવતીની ત્રણ અન્ય સગીર યુવકો દ્વારા છેડતી કરી હોવાની ઘટના સામે આવી હતી . જે બાદ સ્થાનિક લોકો દ્વારા અપરાધી યુવકો પકડાઈ જતાં તેમણે તેમને પોલીસને સોંપવાના બદલે કાયદાને હાથમાં લીધો હતો, અને દરેક સગીરના માથાનું અર્ધમુંડન કરવાની ફરજ પાડી હતી .

સુરતના ચલથાણ ગામે સગીરોનું અર્ધમુંડન

સુરતના ચલથાણ ગામે આ એક વિચિત્ર ઘટના સામે આવી હતી જેમાં ત્રણ સગીરો દ્વારા એક સગીર યુવતીની છેડતી કરતા તેમને અનોખી સજા કરવામાં આવી હતી. જેમાં લોકો દ્વારા બળજબરીથી તેમના માથાના વાળ ઉતારીને મુંડન કરવામાં આવ્યું હતું જેને ગુરુવાર સુધી આમ જ રાખવાની ફરજ પાડી હોવાનું જાણવામાં મળ્યું હતું.  જે ઘટનાનો વિડીયો ગત મોડી સાંજે સોશિયલ મીડિયામાં વાયરલ થયો હતો. 

 

 

 

 

View this post on Instagram

 

 

 

 

 

 

 

 

 

સુરતના ચલથાણ ગામે છેડતીની ઘટના સામે આવી છે. ત્રણ સગીર વયના છોકરાઓ છેડતી કરતા હતા. છેડતી કરતા પકડાતા લોકોએ અર્ધ મુંડન કર્યું છે. આવતા ગુરૂવાર સુધી અર્ધ મુંડન રાખવાની સજા આપી છે. ગત મોડી સાંજે બનેલી ઘટનાનો વીડિયો વાયરલ થયો છે. લોકોએ પોલીસને સોંપવાના બદલે કાયદો હાથમાં લીધો હતો. #Surat #vtvgujarati #gujaratinews #gujaratpolice

A post shared by VTV Gujarati News and Beyond (@vtv_gujarati_news) on Jul 25, 2020 at 2:36am PDT

લોકો માગી રહ્યા છે "ઈન્સ્ટન્ટ ન્યાય"

આમ ગમે તેટલાં કડક કાયદા અપનાવ્યા છતાં પણ મહિલાઓની વિરુદ્ધના અપરાધોનું દુષણ ઘટવાને બદલે સતત વધતું જઈ રહ્યું છે ત્યારે સાથે જ લોકોની તેને લગતા મામલાઓ  માટેની સરકારી ઢીલીઢફ કાનૂની ન્યાય પ્રક્રિયાથી વિશ્વાસ ઘટતો જઈ રહ્યો છે આ બંને અતિ ચિંતાજનક બાબત છે. એક તરફ જ્યાં કાનૂની વ્યવસ્થામાં લોકોની શ્રદ્ધાને ફરીથી પુન:સ્થાપિત કરવાની એક નવી ચેલેન્જ તંત્ર સમક્ષ ઉપસ્થિત થઈ છે કેમ કે નહિ તો પ્રજા જાતે જ કાયદો હાથમાં લઈને ન્યાય કરવા ઉતાવળી બને છે. તે સાથે જ આવા અપરાધોના દુષણને રોકવાનું પણ છે અને તેને સગીર વયની ભાવિ પેઢી કે જે ગતિશીલ ગુજરાત અને ઈન્ક્રેડીબલ ઇન્ડિયા બંનેનું ભવિષ્ય છે તેનામાં ફેલાતું રોકવાનું પણ છે. જો કે VTV સ્થાનિકોના આ કૃત્યનું સમર્થન કરતું નથી.