સૂરતમાં એક હ્રુદય્દ્વાવક ઘટનામાં ચાલુ રિક્ષાએ ચાલકનું બહાર ફંગોળાઈ જતા નિપજ્યું ક્મકમાટીભર્યું મોત
રિક્ષા ચાલકનું કમકમાટીભર્યું મોત
વાઈ આવતા ફેંકાયો રીક્ષાની બહાર
ST સ્ટેન્ડ જેવા ભરચક વિસ્તારની ઘટના
સુરતમાં એક હૃદયદ્રાવક ઘટના ઘટવા પામી છે. આ ઘટનામાં અકલ્પનીય રીતે એક રિક્ષા ચાલકનું મોત નીપજ્યું છે. આ કરુણ ઘટના નજરે જોનારા રાહદારીઓમાં અરેરાટી વ્યાપી જવા પામી હતી.
ચાલુ રિક્ષાએ ફંગોળાયો રિક્ષા ચાલક
શહેરના ઉધના વિસ્તારમાં રિક્ષા ચલાવી ઘર-પરિવારનું ગુજરાન ચલાવતો યુનૂસ નામક એક રિક્ષા ચાલક આજે સુરતના એસ ટી ડેપો નજીક મુસાફરને રિક્ષામાં બેસાડી લઇ જઈ રહ્યો હતો.આ દરમિયાન અચાનક જ ચાલુ રિક્ષાએ બહાર ફંગોળાઈ જવા પામ્યો હતો. બહાર રિક્ષા ચાલકનું રસ્તા પર પટકાઈ જતા ઘટના સ્થળે જ મોત નિપજ્યું હતું.
વાઈ આવતા ફેંકાયો રીક્ષાની બહાર
કહેવાય છે કે, રિક્ષા ચાલકને વાઈ આવવાની બીમારી હતી અને ચાલુ રીક્ષાએ વાઈની ખેંચ આવતા રિક્ષા ચાલક,વાહનની બહાર ફંગોળાયો હોઈ,તેનું મોત નિપજ્યું હતું.શહેરના એસટી સ્ટેન્ડ/રેલવે સ્ટેશન જેવા ભરચક ટ્રાફિક વાળા વિસ્તારમાં બનેલી આ ઘટનાથી રાહદારીઓ રીતસર હેબતાઈ ગયા હતા.