કૌભાંડ / સુરતમાંથી દેહવ્યપારના મોટા કૌભાંડનો પર્દાફાશ, બાંગ્લાદેશથી લાવવામાં આવતી હતી યુવતીઓ

• બાંગ્લાદેશીઓને ભારતમાં ઘુસાડવાનું નેટવર્ક
• સુરતે પોલીસે યુવક યુવતીને ઝડપી પાડ્યા
• રેલવે પોલીસે કર્યો કૌભાંડનો પદર્ફાશ

સુરત રેલવે પોલીસે બાંગ્લાદેશી નાગરિકોને ગેરકાયદે રીતે ઘૂસાડવાના ષડયંત્રનો પર્દાફાશ

સુરત રેલવે પોલીસે બાંગ્લાદેશના નાગરિકોને ભારતમાં ગેરકાયદે રીતે ઘુસાડવાનું મસમોટું રેકેટ ઝડપી પાડ્યું છે. સુરત રેલવે પોલીસે હાવડા ટ્રેનમાંથી બાંગ્લાદેશી યુવક અને યુવતીઓને પોલીસે ઝડપી લીધા. બાદ પોલીસ પુછપછ દરમિયાન મોટા ષડયંત્રનો પર્દાફાશ થયો હતો.

હાવડાથી ટ્રેન મારફતે સુરત આવ્યા હતા

જેમાં બાંગ્લાદેશી નાગરિકોને ખેતર મારફતે ભારતમાં ઘુસાડાયા  હતાં. તેમ જ યુવતીઓને દેહ વિક્રિયના ધંધામાં ધકેલવામાં આવી હતી. આ સાથે પોલીસ તપાસમાં એ પણ ખુલ્યું છે કે, એક યુવકે બોગસ આધારકાર્ડ પણ બનાવી આપ્યા હતાં. જેના માટે નકલી આધારકાર્ડ માટે 1500 રૂપિયા કરતો હતો વસુલાત કરવામાં આવ્યું હતું. 

આ પહેલા પણ સુરતમાં બાંગ્લાદેશી યુવતીઓ પાસે દેહવિક્રય પર્દાફાશ કરાયો હતો

ઉલ્લેખનીય છે કે, આ પહેલા પણ સુરત એસઓજી પોલીસે બાંગ્લાદેશી યુવતીઓ પાસે દેહવિક્રય કરાવવાના ગોરખધંધાનો પર્દાફાશ કર્યો હતો.જેમાં  સુરત એસઓજી પોલીસે રેલ્વે સ્ટેશન બહાર સીટી બસ સ્ટેશન પાસેથી એક કિશોરીને પકડી તેણીને દેહવક્રિયના ધંધામાં ધકેલનાર દંપતી તથા સુરત સુધી લાવનાર દલાલને પકડી પાડવામાં આવ્યા હતા અને બાંગ્લાદેશના દલાલને પોલીસ દ્વારા વોન્ટેડ જાહેર કરવામાં આવ્યો છે.