પહેલ / સુરત પોલીસે લૉકડાઉન વચ્ચે પણ ફરિયાદી માટે અપનાવ્યો આ વિકલ્પ, જાહેર કરી નવી ગાઈડલાઈન

• કોરોના વાયરસનો કહેર
• સુરતમાં અહીં પોલીસે નવી ગાઈડલાઈન જાહેર કરી
• ફરિયાદીએ 1 મીટરના અંતરથી જ વાત કરવી

સુરતના સલાબતપુરા પોલીસ સ્ટેશનમાં કોઇ પણ વ્યક્તિએ પ્રવેશતા પહેલા ખિસ્સામાં હાથ રાખવો પડશે. પોલીસ સ્ટેશનમાં અંદર પ્રવેશ કર્યા બાદ પહેલા હાથ ધોવાના રહેશે. ફરિયાદીએ 1 મીટરના અંતરથી જ વાત કરવી અને પોલીસ સ્ટેશનની અંદર કોઈપણ ચીજવસ્તુને અડવુ નહીં. અને જો કોઇ પણ આ ગાઇડલાઇનનું પાલન નહીં કરે તો તેને 500 રૂપિયાનો દંડ કરવામાં આવશે.

અગાઉ પણ સુરત પોલીસ આ કારણે આવી ચૂકી છે ચર્ચામાં

લોકડાઉનના કડક અમલ માટે સુરત પોલીસની મુહિમ શરૂ કરવામં આવી હતી. આ સમયે પોલીસે કામ સિવાય બહાર નિકળતા લોકોના ફોટા પાડીને મોકલવા અપીલ કરી હતી. 
સાથે જ આ ફોટો પાડીને ફેસબુક પર અપલોડ કરવાની અપીલ પણ કરી હતી. લૉકડાઉનમાં સુરત પોલીસની આ મુહિમને સારો પ્રતિસાદ મળ્યો હતો.

સુરતમાં થઈ પોલીસ અને લોકો વચ્ચે બબાલ

લોકડાઉન હોવા છતા સુરતમાં લોકો રસ્તા પર નિકળ્યા હતા. આ સમયે કામ વગર જ બહાર નિકળતા લોકોને પોલીસે અટકાવ્યા હતા. આ સમયે પોલીસ અને લોકો વચ્ચે ઘર્ષણ થયું હતું. ઘર્ષણને લઈને એક વ્યક્તિને પોલીસ મથકે લઈ જવાયો હતો.