VIDEO:અધધધ...49 લાખના દારૂ ભરેલ ટ્રક સાથે 5ની પોલીસે કરી ધરપકડ

સુરતના મોટા વરાછા વિસ્તારમાંથી પોલીસે દારૂ ભરેલી એક ટ્રક ઝડપી પાડી છે અને 5 આરોપીની ધરપકડ કરી છે.તો ટ્રકમાંથી રૂપિયા 49 લાખ 87 હજારનો મુદ્દામાલ પણ કબજે કરવામાં આવ્યો છે.સુરતના અમરોલી પોલીસને બાતમી મળી હતી કે મોટા વરાછામાં આવેલી રેસીડન્સીના એક ગોડાઉનમાં દારૂનો જથ્થો ઠાલવવામાં આવી રહ્યો છે.

પોલીસે ત્યાં રેડ કરી હતી તે દરમિયાન ટ્રકમાંથી દારૂનો જથ્થો ઉતારવામાં આવી રહ્યો હતો.પોલીસે તુરંત કાર્યવાહી કરી દારૂ અને મુખ્ય આરોપી અશોક ઠુંમર સહિત 5 આરોપીને ઝડપી પાડયા હતા.અને આ મામલે વધુ તપાસ હાથ ધરી છે.

ઉલ્લેખનીય છે કે ગતરોજ વલસાડ-મુંબઇ હાઇવે પર દારૂ ભરેલી એક ટવેરા કાર પલટી મારી જતાં કેટલાય રૂપિયાનો દારૂનો જથ્થો પકડી પાડ્યો હતો.ત્યારે સુરત ખાતેથી વધુ એક દારૂ ભરેલી ટ્રક ઝડપાઇ જતાં કાયદો અને વ્યવસ્થા સામે પણ સવાલો ઉભા થયા હતા.ત્યારે ગઇકાલે પણ મમરાની આડમાં લઇ જવાતા લાખોની કિંમતના દારૂ ભરેલો ટ્રક ઝડપાયો હતો.

આપને જણાવી દઇએ કે ગુજરાતમાં દારૂબંધી હોવા છતાં કાયદો અને વ્યવસ્થાની પરવાહ કર્યા વગર કેટલાય અસામાજીક તત્વો દ્વારા મોટા પાયે દારૂની હેરફેર કરવામાં આવે છે ત્યારે આવી પ્રવૃત્તિ કરતા લોકો સામે કડક પગલા ભરવામાં આવે તેવી લોકમાંગ ઉઠવા પામી હતી.