ગેરરીતિ / સુરત મનપાની પ્રજાના પૈસે દિવાળી : મહામારીમાં માસ્ક ખરીદીમાં ગેરરીતિ આચરી હોવાની આશંકા

• સુરત મનપાની માસ્ક ખરીદીમાં ગેરરીતિની આશંકા
• એક જ પ્રકારના માસ્ક અલગ અલગ ભાવે ખરીદ્યા
• મહામારીમાં તમામ માસ્કના બિલ પણ ચૂકવી દેવાયા

સુરત મનપાએ માસ્કની ખરીદીમાં ગેરરીતિ આચરી હોવાનો આશંકા સેવાઈ રહી છે. કોવિડ મહામારીમાં એક જ પ્રકારના માસ્ક અલગ અલગ કિંમતે ખરીદવામાં આવ્યું હોવાનું સામે આવ્યું છે. 

એક જ પ્રકારના માસ્ક અલગ અલગ ભાવે ખરીદ્યા

સુરત મનપા દ્વારા માસ્ક ખરીદીમાં ગેરરીતિની આશંકા સેવાઇ રહી છે. કોરોના કાળ દરમિયાન મનપા દ્વારા જે માસ્ક ખરીદવામાં આવ્યા તે એત પ્રકારના માસ્ક હતા જો કે તેની ખરીદી અલગ અલગ ભાવે કરવામાં આવી હોવાનું સામે આવી રહ્યું છે. એક જ પ્રકારના માસ્ક અલગ-અલગ ભાવે ખરીદી મોટા પાયે કૌભાંડ આચર્યાનું શક્યતાઓ સેવાઈ રહી છે.

મહામારીમાં તમામ માસ્કના બિલ પણ ચૂકવી દેવાયા

સુરત મનપાએ રૂ.4.61 કરોડના માસ્ક ખરીદ્યા હતા. જેમા વૂવન, નોન વૂવન અને N-95 માસ્કની ખરીદીના ભાવમાં મોટો તફાવત જોવા મળ્યો છે. સુરત મનપાએ 94 પૈસાથી લઇ 858 રૂપિયામાં માસ્ક ખરીદ્યા છે એટલે કે સુરત મનપાએ જુદા જુદા 94 ભાવથી માસ્કની ખરીદી કરી છે અને સુરત મનપાએ તમામ માસ્કના બિલ પણ ચૂકવી દીધા છે.

સુરત મનપાની માસ્ક ખરીદીમાં ગેરરીતિની આશંકા

જો કે મનપાની માસ્ક ખરીદી ડિઝાસ્ટર મેનેજમેન્ટના ભાગરૂપે થઇ હતી અને ઇમરજન્સી ખરીદીને કારણે કોઇ ટેન્ડરિંગ થયું ન હતું ત્યારે મનપાની માસ્ક ખરીદીમાં ગેરરીતિની આશંકા હોવા છતા કોઇ તપાસ કરાઇ નથી જેને લઇ અનેક સવાલ ઉઠી રહ્યા છે તંત્ર દ્વારા ખરીદાયેલા એક જ પ્રકારના માસ્ક અલગ-અલગ ભાવ કેમ?. વૂવન, નોન વૂવન અને N-95 માસ્કની ખરીદીના ભાવમાં તફાવત કેમ? માસ્ક ખરીદીના પૈસા કોના ખિસ્સામાં ગયા ? તે પણ એક તપાસનો વિષય છે.