બબાલ / PHOTOS : સુરતમાં મેયરનું નામ જાહેર થતાં જ AAPનો હોબાળો, ગોપાલ ઈટાલિયાની થઈ ટીંગાટોળી

• હેમાલી બોઘાવાલાને 93 મત મળ્યા 
• AAPના નિરાલી પટેલને 27 મત મળ્યા 
• SMCની સામાન્ય સભામાં AAPના કાર્યકરોએ મચાવ્યો હોબાળો

સુરતના મેયર તરીકે હેમાલી બોઘાવાલાની વરણી કરવામાં આવી છે. મનપાની મેયર પદની ચૂંટણીમાં હેમાલી બોઘાવાલા વિજયી બન્યા છે. હેમાલી બોઘાવાલાને 93 મત મળ્યા હતા. જ્યારે AAPના નિરાલી પટેલને 27 મત મળ્યા હતા.

AAPના કાર્યકરોએ મચાવ્યો હોબાળો

SMCની સામાન્ય સભામાં AAPના કાર્યકરોએ હોબાળો મચાવ્યો હતો. જેને લઇને ગોપાલ ઇટાલિયા અને દિનેશ કાછડિયાને બહાર લઇ જવાયા હતા.

ભાજપના MLA સામાન્ય બેઠકમાં હોવાનો આક્ષેપ કરવામાં આવ્યો હતો. તો સભા સ્થળ બહાર AAP અને ભાજપના કાર્યકર્તાઓ સામે સામે આવી ગયા હતા. અને એક બીજા વિરૂદ્વ સૂત્રોચ્ચાર કર્યા હતા.

આજે સવારે જ થઈ વરણી

સુરતવાસીઓને આખરે નવા મેયર મળી ગયા છે.  મેયર પદે હેમાલી બોઘાવાલાની વરણી કરવામાં આવી છે. સુરત મનપાના ડેપ્યુટી મેયર તરીકે દિનેશ જોધાણીની વરણી કરવામાં આવી છે. તો આ તરફ પરેશ પટેલ સ્ટેન્ડિંગ કમિટીના ચેરમેન બન્યા છે. અને મનપાના શાસક પક્ષના નેતા તરીકે અમિત રાજપૂત અને દંડક તરીકે વિનોદ પટેલની વરણી કરવામાં આવી છે.