બજેટ / સુરતને ગારમેન્ટ હબ બનાવવામાં આવે તેવી વેપારીઓની બજેટ પાસેથી આશા

• બજેટથી વેપારીઓને શું છે આશા
• GSTના દરમાં ફેરફારની વેપારીઓની આશા
• સુરતને ગારમેન્ટ હબ બનાવવાની પણ માગ

1 ફેબ્રુઆરીના રોજ નાણામંત્રી દ્વારા બજેટ રજૂ કરવામાં આવશે. આ બજેટથી દેશના તમામ લોકો આશા રાખીને બેઠા છે.. દેશમાં વધી રહેલી મંદીના કારણે ટેક્સટાઈલ્સ માર્કેટના વેપારીઓને ઈન્કમટેક્સ, GSTમાં ફેરફાર થાય તેવી આશા છે. સાથે જ વેપારીઓ સરકાર પાસે સુરતને ગારમેન્ટ હબ બનાવવામાં આવે તેવી આશા રાખીને બેઠા છે.જો સરકાર દ્વારા સુરતને ટેક્સટાઈલ્સ હબ બનાવવામાં આવે તો વેપારમાં વધારો થઈ શકે છે.  સાથે જ GSTના દરમાં ફેરફાર થાય તેવી પણ વેપારીઓ આશા રાખીને બેઠા છે.  GSTના કારણે નાના વેપારીઓને પરેશાનીનો સામનો કરવાનો વારો આવ્યો છે. 

શું કહે છે વેપારી

આ દરમિયાન વીટીવી સમક્ષ વેપારીઓ જણાવ્યુ કે, GST આવ્યા બાદ નાના વેપારીઓની મુશ્કેલીમાં વધારો થયો છે.. સરકાર દ્વારા રજૂ કરવામાં આવેલ બજેટ નાના વેપારીઓનું હોવુ જોઈએ.  સાથે જ તેમણે કાપડ પરથી ટેક્સ હટાવવાની પણ માગ કરી છે.

ટેક્સટાઈલ્સના વેપારીઓને શું છે આશા? 

• ઈન્કમટેક્સના સ્લેબમાં ફેરફાર કરો
• GSTના દરમાં કરેક્શન કરવામાં આવે
• સુરતને ગારમેન્ટ હબ બનાવવાની માગ
• ગારમેન્ટ હબ બનતા વેપારમાં થશે વધારો
• ITCને નાબૂદ કરવાની પણ વેપારીઓની માગ
• કાપડ પરથી ટેક્સ હટાવવામાં આવે તેવી આશા
• ટેક્સ ભરનાર લોકોને 60 વર્ષે પેન્શન આપવી
• વારણસી, બિહારની ટ્રેનમાં વધારો કરવો