ખુદ પૂર્વ પોલીસ કમિશનરના ખાતામાંથી રૂપિયાની ઉચાપત થતા ચકચાર મચી ગઈ હતી. સુરતમાં નિવૃત્ત પોલીસ કમિશનર સતિષ શર્માના બેંક એકાઉન્ટમાંથી અજાણ્યા શખ્સે રૂા. 4899ની ઉચાપત કરી છે. આ મામલે ફરિયાદ થતા આખી ઘટના સામે આવી હતી.
પૂર્વ પોલીસ કમિશનર સાથે છેતરપિંડી
સતિષ શર્માના ખાતામાંથી ઉપડ્યા રૂપિયા
SBIના ખાતામાંથી ઉપડ્યા 4899 રૂપિયા
સુરતમાં નિવૃત પોલીસ કમિશનર સતિષ શર્મા સાથે ઓનલાઈન છેતરપિંડીની ઘટના સામે આવી છે. સતિષ શર્માના SBI બેંકના ખાતામાંથી અજાણ્યા શખ્સે 4899 રૂપિયા ઉપાડ્યા હતા. આ મામલે સુરતના સાયબર સેલમાં ફરિયાદ થઈ છે.
શહેરના સેક્ટર-10માં આવેલી સ્ટેટ બેંક ઓફ ઈન્ડિયામાં સતિષ શર્માના બેંક અકાઉન્ટમાંથી અજાણ્યા શખ્સે રૂપિયા ઉપાડ્યા. અજાણ્યા શખ્સે સતિષ શર્માના બેંકના ડેબિટકાર્ડ અને પાસવર્ડનો ઉપયોગ કરીને રૂપિયા ઉપાડ્યા હોવાનું સામે આવ્યુ છે. 4899 રૂપિયાની છેતરપિંડી થયાની સતિષ શર્માઓ સાયબર સેલમાં ફરિયાદ કરી છે.
આજકાલ ડિજીટલાઈઝેશનની સાથે સાથે હેકિંગનો ત્રાસ વધ્યો છે. સામાન્ય માણસને તો સમજતા પણ વાર લાગે કે ક્યારે અને કોણ પૈસા ઉડાવી ગયું. હાલ સાયબર સેલ આ અંગે તપાસમાં લાગ્યુ છે.