સુરતના અમરોલી વિસ્તારમાં શ્રીરામ ચાર રસ્તા પાસે આવેલા SMCની ડમ્પીંગ સાઈટ પાસે કચરો વીણતી મહિલા પર કચરાવાળાએ કચરો નાંખી દીધો હતો.
સુરતમાં તંત્રની ઘોર બેદરકારી આવી સામે
અમરોલીમાં પાસે આવેલી SMCની ડમ્પિંગ સાઇટની ઘટના
કચરો વિણતી મહિલા પર ટ્રેક્ટર ચાલકે જોયા વગર કચરો ઠાલવ્યો હતો
ડમ્પિંગ સાઇટ પર ટ્રેક્ટરે મહિલા પર ઠાલવ્યો કચરો
સુરતના અમરોલી વિસ્તારમાં શ્રીરામ ચાર રસ્તા પાસે આવેલા SMCની ડમ્પિંગ સાઇટ પાસે કચરો વીણતી મહિલા પર કચરાવાળાએ કચરો નાખી દીધો હતો. ત્યારબાદ JCBએ કચરા સાથે મહિલાને પણ ઉંચકીને કચરાનો મોટા ઢગલા પર નાખી દીધી હતી. ત્યાર બાદ આ મહિલાને લોકોએ કચરામાંથી શોધીને બહાર કાઢી હતી.
ડ્રાઈવરની બેદરકારીના કારણે મહિલા પર કચરાનો ઢગ નીચે દટાઈ
સ્થાનિકોના જણાવ્યા અનુસાર સાયણ રોડ પર શ્રીરામ ચોકડી પાસે ડમ્પિંગ સાઇટ છે. ત્યાં બે મહિલા નીતાબેન અને રજનીબેન થોડા અંતરે કચરો વીણતી હતી. આ સમયે એક ટ્રેક્ટર ડ્રાયવર અને મજુરો કચરો નાખવા આવ્યા હતા. જેમણે જગ્યા જોયા વિના જ કચરો નાખી દીધો હતો. જેની નીચે નીતેબેન દબાઈ ગયા હતા.આ દરમિયાન કરચરો વીણતાં રજનીબેન તેમને શોધતા હતાં. તે સમય દરમિયાન એક જેસીબી ચાલક ડમ્પિંગ સાઈટ પર આવ્યો હતો.. અને તેને પણ આખો કચરો ઉંચકીને કચરાના મોટા ઢગલા પર ફેકી દીધો હતો. તે સમયે રજનીબેને શંકા ગઈ કે કદાચ નીતાબેન કચરાની નીચે દબાઈ ગઈ હશે. તેથી તેને બુમાબુમ કરી હતી. લોકો ભેગા થયા હતા. કચરો ખસેડતા જ દસેક મિનિટ થઈ ગઈ હતી. કચરામાંથી નીતાબેનને રેસ્ક્યુ કરાઈ હતી.
હાલમાં મહિલાની તબિયત સ્વસ્થ
નીતાબેનને તાત્કાલિક હોસ્પિટલ ખાતે ખસેડાઈ હતી.જ્યાં તેમને બે કલાક ઓબ્ઝર્વેશન હેઠળ સારવાર અપાઈ હતી બાદમાં તેઓ સંપુર્ણ સ્વસ્થ થતા તેને રજા અપાઈ હતી.