સુરત ક્રાઈમ બ્રાંન્ચે ડ્રગ્સ સાથે 3 આરોપીઓને ઝડપી પાડી તેમની પાસેથી લાખો રૂપિયાનું ડ્રગ્સ કબ્જે કર્યું છે.
સુરત બન્યું ડ્રગ્સની હેરાફેરીનું સેન્ટર
લાખના MD ડ્રગ્સ સાથે 3 શખ્સ ઝડપાયા
ક્રાઈમ બ્રાંન્ચે તપાસનો ધમધમાટ શરૂ કર્યો
સુરત ક્રાઈબ હબ માનવામાં આવે છે ત્યારે હવે ડ્રગ્સની હેરાફેરીનું સેન્ટર પણ બની રહ્યું હોય તેમ લાગી રહ્યું છે. કેમ કે સુરત ક્રાઈમ બ્રાંન્ચે ડ્રગ્સ સાથે 3 આરોપીઓને ઝડપી પાડ્યા છે અને તેમની પાસેથી લાખો રૂપિયાનું ડ્રગ્સ કબ્જે કર્યું છે.
સુરત બની રહ્યું છે MD ડ્રગ્સનું હેરાફેરીનું સેન્ટર
સુરતના નિયોલ પાટિયા પાસેથી કાર સાથે 3 આરોપીઓને MD ડ્રગ્સ સાથે ઝડપી પાડ્યા છે આ આરોપીઓ ડ્રગ્સની હેરાફેરીનું કામ કરતા હોવાની શંકા જતા સુરત ક્રાઈમ બ્રાંન્ચ દ્વારા તેમની પૂછપરછ કરવામાં આવતા આ યુવાનોએ પોલીસને ધક્કે ચઢાવવાનો પ્રયાસ કરતા સમગ્ર રેકેટનો પર્દાફાશ થયો હતો, જો કે પોલીસે યુવકની કારની તપાસ કરતા સમગ્ર મામલો સામે આવ્યો છે હાલ તો પોલીસે ત્રણેય આરોપીઓની ધરપકડ કરી વધુ તપાસ હાથ ધરી છે,
3 યુવાનો 19 લાખના MD ડ્રગ્સ સાથે ઝડપાયા
મહત્વનું છે કે કચ્છના મુન્દ્રા પોર્ટ પરથી ઝડપાયેલા ડ્રગ્સ બાદ હવે ડ્રગ્સની હેરાફેરી કરનાર માફિયાઓ સક્રિય થયા છે અને ડ્રગ્સને હેરાફરી માટે નવા પેતરાઓ અને નવા રસ્તાઓ શોધી રહ્યા છે ત્યારે સુરતમાંથી ડ્રગ્સ સાથે ત્રણ યુવકો ઝડપાતા ક્રાઈમબાંન્ચે તપાસનો ધમધમાટ શરૂ કર્યો છે.
મુંબઈના નાલાસોપારાથી MD ડ્રગ્સ લાવ્યા હતા
અહી ઉલ્લેખનિય છે કે આરોપી ઈમરાન શેખ, ઈમરાન ખાન અને મોએઝ નામના આ શખ્સો ડ્રગ્સ મુંબઈના નાલાસોપારાથી લાવ્યા હોવાનો ખુલાસો થયો છે ત્યારે ક્રાઈમબ્રાંન્ચે તે દિશામાં પણ તપાસ હાથ ધરી છે કે આખરે આ ડ્ગ્સ કોને કોને સપ્લાય કરવાના હતા અહી મહત્વનું છે કે ઈમરાન શેખ અને મોએઝ અગાઉ પણ ડ્રગ્સ પેડલર તરીકે કામ કરી ચુક્યા છે તેવું પણ તપાસમાં સામે આવ્યું છે ત્યારે જોવાનું રહ્યું આ ડ્રગ્સકાંડમાં કોના કોના નામે સામે આવે છે.