ખોટ / ઈન્ટરનેશનલ એરપોર્ટ હોવા છતાં 100 કરોડ રૂપિયાથી વધુની ખોટ, છેલ્લા 9 વર્ષમાં જાણો કેટલું કર્યુ નુકસાન

• સુરત એરપોર્ટની ખોટમાં સતત વધારો
• સુરત એરપોર્ટને 2019-20માં 27 કરોડની ખોટ
• કસ્ટમ નોટિફાઇડ એરપોર્ટ સતત નુકસાનીમાં

સુરત એરપોર્ટની ખોટમાં સતત વધારો થઇ રહ્યો છે. સુરત એરપોર્ટને 2019-20માં 27 કરોડની ખોટ થઇ છે. કસ્ટમ નોટિફાઇડ એરપોર્ટ સતત નુકસાનીમાં ચાલી રહ્યું છે. સુરતને ઇન્ટરનેશનલ એરપોર્ટનો દરજ્જો મળ્યો છે. અને પેસેન્જર પણ વધ્યા છે છતા હિસાબી ચોપડે ખોટ બોલાઇ રહી છે. મળતી માહિતી મુજબ સુરત એરપોર્ટે છેલ્લા 9 વર્ષોથી આશરે 100 કરોડથી વધુની ખોટ સહન કરી છે. હવે સુરત એરપોર્ટની સિક્યુરિટી પણ CISFને સોંપાઇ છે.

ત્યારે આ સિક્યુરિટીનો ખર્ચ પણ એરપોર્ટને માથે આવશે તેથી એરપોર્ટના ભારણમાં હજું પણ વધારો થવાની શક્યતા છે. તેમજ આ મામલે એરપોર્ટ એક્શન કમિટિના પ્રમુખ સંજય ઈઝાવાના મતે આવકના સ્તોત્ર ઉભા કરવામાં એરપોર્ટ ઓથોરિટી નિષ્ફળ ગઈ છે. એરપોર્ટ ઉપર ખરીદી માટે મોલ નથી. અને એરપોર્ટનું ટર્મિનલ નાનુ હોવાથી વધુ પેસેન્જર સમાવી શકાય નહીં. આથી ટર્મિનલ નવું બન્યા બાદ મુશ્કેલી ઓછી થશે.

સુરત એરપોર્ટ નુકસાનીમાં
કયા વર્ષે કેટલું નુકસાન? 
વર્ષ           ખોટ
2011-12    19 કરોડ
2012-13    21 કરોડ
2013-14    25 કરોડ 
2014-15    26 કરોડ
2015-16    17 કરોડ
2016-17    41 કરોડ
2017-18     1 કરોડ
2018-19    23 કરોડ
2019-20    27 કરોડ