આદેશ / દિવ્યાંગ બાળકી પર દુષ્કર્મ આચરી હત્યા કરનાર નરાધમને લટકાવી દેવાશે: સુપ્રીમ કોર્ટે યથાવત્ રાખી ફાંસીની સજા

• આરોપીએ 2013માં વિકલાંગ બાળકી સાથે દુષ્કર્મ કરી તેની હત્યા કરી
• આરોપીએ વિકલાંગ સગીર અને તેના માતા-પિતાનું અપહરણ કર્યુ
• સુપ્રીમ કોર્ટે રાજસ્થાન હાઈકોર્ટની ફાંસીની સજાને યથાવત રાખી 

સુપ્રીમ કોર્ટે શુક્રવારે કહ્યું કે આ અપરાધ અત્યંત નિંદનીય અને અંતરાત્માને આઘાતજનક છે. દોષિતે 17 જાન્યુઆરી 2013ના રોજ બાળકીનું અપહરણ કર્યું હતું. તેના પર બળાત્કાર કર્યો અને પછી તેની ક્રૂરતાથી હત્યા કરી. આ કેસમાં રાજસ્થાન હાઈકોર્ટે 29 મે 2015ના રોજ પોતાનો ચુકાદો આપ્યો હતો અને દોષિતોને ફાંસીની સજા સંભળાવી હતી.

સુપ્રીમ કોર્ટે રાજસ્થાન હાઈકોર્ટની ફાંસીની સજાને યથાવત રાખી

સાડા ​સાત વર્ષની એક માનસિક રીતે અશક્ત બાળકી પર બળાત્કાર અને તેની હત્યા કરવાના દોષિત પુરૂષને આપવામાં આવેલી મૃત્યુદંડની સજા યથાવત રાખતી વખતે સુપ્રીમ કોર્ટે આકરી ટીપ્પણી કરી હતી. જસ્ટિસ એએમ ખાનવિલકર, જસ્ટિસ દિનેશ મહેશ્વરી અને જસ્ટિસ સીટી રવિકુમારની ત્રણ સભ્યોની બેંચે રાજસ્થાન હાઈકોર્ટના ફાંસીની સજાના આદેશને યથાવત રાખ્યો હતો.

Supreme Court confirms death penalty awarded to a man convicted of kidnapping a physically and mentally challenged seven-and-a-half-year-old girl, raping and killing her in 2013 in Rajasthan as it noted that crime was brutal and inhuman.

— ANI (@ANI) June 24, 2022

આ ગુનો અત્યંત નિંદનીય છે, અંતરાત્માને હચમચાવી દેવાવાળો છે- SC 

બેન્ચે કહ્યું, “આ કેસમાં જે રીતે આરોપી વ્યક્તિએ પીડિતાનું માથું કચડી નાખ્યું હતું, જેના કારણે તેના માથાનું આગળનું હાડકું તૂટી ગયું હતું અને તેને ઘણી ઈજાઓ થઈ હતી. તે જોતાં આ ગુનો અત્યંત નિંદનીય છે અને અંતરાત્મા હચમચી જાય છે. હાઈકોર્ટે એમ પણ કહ્યું હતું કે આ મામલો રેરેસ્ટ ઓફ રેર કેટેગરીમાં આવે છે અને આ મામલે સેશન્સ કોર્ટ દ્વારા આપવામાં આવેલા આદેશને યથાવત રાખ્યો હતો.

વર્ષ 2013માં બાળકી પર બળાત્કાર ગુજારી કરી હત્યા 

કોર્ટે કહ્યું હતું કે સેશન્સ કોર્ટના આદેશમાં કોઈ ઉણપ નથી. અપરાધીએ 17 જાન્યુઆરી, 2013ના રોજ બાળકીનું અપહરણ, બળાત્કાર અને હત્યા કરી હતી. જેમાં સુપ્રિમ કોર્ટે 2013માં રાજસ્થાનમાં સાડા સાત વર્ષની બાળકીનું અપહરણ, બળાત્કાર અને હત્યા કરવાના ગુનામાં દોષિત પુરૂષને આપેલી ફાંસીની સજાને યથાવત રાખી હતી કારણ કે તે ગુના ક્રૂર હતો અને અમાનવીય હતો.