હોટલ બહાર પાર્કિગ એટ ઓનર્સ રિસ્ક લખનાર હોટેલ સંચાલકો માટે સુપ્રીમ કોર્ટે તાજેતરમાં લાલબત્તી સમાન ચુકાદો આપ્યો હતો. જેમાં સુપ્રીમ કોર્ટે 1998 માં બનેલી એક કાર ચોરીની ઘટનાનો 21 વર્ષે ઉકેલ આપતા જણાવ્યું હતું કે, વેલે પાર્કિગમાં પાર્ક કરવામાં આવેલ વાહનની જો ચોરી થાય તો તેની રકમની ચૂકવણી જવાબદાર હોટલના સંચાલકની રહેશે.
પાર્કિગ એટ ઓનર્સ રિસ્ક લખનાર હોટેલ સંચાલકો માટે લાલબત્તી સમાન ચુકાદો
વેલે પાર્કિંગમાંથી વાહનની ચોરી થાય તો હોટલ જવાબદાર
21 વર્ષે દિલ્હીના કાર માલિકને મળ્યો ન્યાય
સુપ્રીમ કોર્ટે એક મહત્વપૂર્ણ આદેશમાં કહ્યું છે કે જો તેમના કર્મચારીઓ અથવા વેલેટ દ્વારા પાર્ક કરેલા વાહનની ચોરી થાય તો હોટલ 'માલિકોનું જોખમ' ની સ્થિતિ પર વળતર ચૂકવવાનું ટાળી શકે નહીં. કોર્ટે કહ્યું કે વેલેટ પાર્કિંગ એ સામાન્ય પાર્કિંગ સુવિધાથી અલગ છે, જ્યાં વાહન પાર્ક કરવા માટે યોગ્ય સ્થળ, સાચી પાર્કિંગ અને સ્લિપ બતાવવામાં આવે તો તે પરત કરવાની હોટલની જવાબદારી છે.
21 વર્ષે આવ્યો કેસનો નિવેડો
આ મામલે પ્રાપ્ત થતાં અહેવાલ અનુસાર દિલ્હી સ્થિત તાજ મહેલ હોટલના પાર્કિંગમાંથી 01-08-1998માં એક વ્યક્તિએ પોતાની મારુતિ ઝેન કાર પાર્ક કરવા હોટલના સ્ટાફને આપી હતી. ત્યારબાદ 3 મિત્રો હોટલમા ગયા. જો કે, પરત ફર્યા ત્યારે હોટલના વેલે પાર્કિગમાં પોતાની કાર નજરે નહીં ચડતા વળતર માટે હોટલને રજૂઆત કરી હતી.
હોટલ સંચાલકે ચોરાયેલા વાહન અંગે હાથ ઉંચા કર્યા હતા
જો કે, આ ઘટનાને લઇને હોટલે જણાવ્યું હતું કે, વેલે પાર્કિગમાં પ્રવેશતા જ લખવામાં આવ્યું છે કે, મુલાકાતની સુવિધા માટે વેલે પાર્કિગની સુવિધા આપવામાં આવે છે તેથી કોઇપણ પ્રકારની નુકસાની થાય તો તેના માટે હોટલ જવાબદાર નથી.
કોર્ટે ફટકાર્યો હોટલને દંડ
ત્યારબાદ કારના માલિક અને વીમા કંપનીએ ગ્રાહક કમિશન સમક્ષ ફરિયાદ નોંધાવતા National Consumer Disputes Redressal Commission એ હોટલને જવાબદાર ઠેરવી હતી.
આયોગે કહ્યું કે હોટલ પાર્કિંગમાં ગ્રાહક જે સ્થિતિમાં વાહન પાર્ક કરીને ગયો હોય તે જ સ્થિતિમાં તેને પાછું મળવું જોઈએ. આ સાથે જ દિલ્હીની તાજ હોટલ પર ગ્રાહક આયોગે 2.8 લાખ રૂપિયાનો દંડ પણ ફટકાર્યો હતો.