નિવેદન / કરવા ચૌથની જાહેરાત પાછી ખેંચવાનો ઉલ્લેખ કરતા સુપ્રીમ કોર્ટના જજે સમલૈંગિકતાના મુદ્દે કરી મહત્વની ટિપ્પણી

• કરવા ચૌથની જાહેરાત પર સુપ્રીમ કોર્ટમાં નિવેદન
• સમલૈંગિકતાના મુદ્દા પર મહત્વપૂર્ણ ટિપ્પણી
• ભારતની અદાલતો પર મુકદ્દમોનો ભારે બોજ

સુપ્રીમ કોર્ટના જજ જસ્ટિસ ડી.વાય.ચંદ્રચુડે કરવા ચૌથની જાહેરાતનો ઉલ્લેખ કરતા સમલૈંગિકતાના મુદ્દા પર મહત્વપૂર્ણ ટિપ્પણી કરતા શનિવારે એક લેક્ચરમાં કહ્યું કે, જો લોકો વંચિતોના હિતોની રક્ષા માટે યોગ્ય માર્ગનું પાલન નહીં કરે તો કોઈ કેસમાં કરવામાં આવેલા ન્યાયને ખૂબ જ જલ્દી ઉલટાવી શકાય છે. વિરોધ પ્રદર્શનોને પગલે ચૌથની જાહેરાત પાછી ખેંચવાનો ઉલ્લેખ કરતાં જસ્ટિસ ચંદ્રચુડે કહ્યું હતું કે નવતેજ સિંહ જોહર કેસમાં સમલૈંગિકતાને નાબૂદ કરવી એ એલજીબીટીક્યુ સમુદાયના સભ્યોને તેમના અધિકારોનો અહેસાસ કરાવવા માટે પૂરતું નથી. કરવા ચોથને લગતી આ જાહેરાતમાં એક ગે કપલ જોવા મળ્યું હતું.

કરવા ચોથ વિશેની જાહેરાત 
ન્યાયાધીશ ભારતીય કંપની ડાબર દ્વારા દેશના ઉત્તરીય ભાગોમાં પ્રચલિત એક હિન્દુ તહેવાર 'કરવા ચોથ' વિશેની જાહેરાતનો ઉલ્લેખ કરી રહ્યા હતા. આ તહેવારમાં પત્નીઓ પોતાના પતિના લાંબા આયુષ્ય માટે એક દિવસનો ઉપવાસ રાખે છે અને 'પૂજા' કરે છે. સોશિયલ મીડિયા પર અને મધ્ય પ્રદેશની એક રાજનેતાની આકરી પ્રતિક્રિયા બાદ ડાબર દ્વારા એક મહિલા યુગલના તહેવારની ઉજવણી કરતી જાહેરાત પાછી ખેંચી લેવામાં આવી હતી. જસ્ટિસ ચંદ્રચુડે જણાવ્યું હતું કે, "જોકે અદાલતો હાંસિયામાં ધકેલાયેલા લોકોના હિતોનું રક્ષણ કરવા માટે બંધારણીય અધિકારોના અવકાશને વિસ્તૃત કરે છે, પરંતુ જો લોકો સાચો માર્ગ નહીં અપનાવે, તો ન્યાય ટૂંક સમયમાં બિનઅસરકારક બની જાય છે."

સમલૈંગિકતાના મુદ્દે સવાલ
પુણેની આઇએલએસ લો કોલેજમાં 'ધ ફ્યુચર ઓફ આર્બિટ્રેશન ઇન ઇન્ડિયા' વિષય પર લેક્ચર આપતા જસ્ટિસ ચંદ્રચુડે કહ્યું હતું કે, "નવતેજ સિંહ જોહર કેસમાં સમલૈંગિકતાને નાબૂદ કરવી એલજીબીટીક્યુ સમુદાયના સભ્યોને તેમના અધિકારોનો અહેસાસ કરાવવા માટે પૂરતું નથી. નવતેજ સિંહ કેસમાં નિર્ણાયક ચૂકાદાના ચાર વર્ષ બાદ, કરવા ચોથની ઉજવણી કરતા એક સમલૈંગિક દંપતીને દર્શાવતી ફેરનેસ ક્રીમની જાહેરાત દૂર કરવામાં આવી હતી."

મધ્યસ્થતા જેવી વિવાદ નિવારણ પદ્ધતિ એક મહત્વપૂર્ણ સાધન
ન્યાયાધીશે કહ્યું કે ભારતની અદાલતો પર મુકદ્દમોનો ભારે બોજ છે અને કેસોની પેન્ડન્સીને જોતા મધ્યસ્થતા જેવી વિવાદ નિવારણ પદ્ધતિ એક મહત્વપૂર્ણ સાધન છે. તેમણે જણાવ્યું હતું કે, મધ્યસ્થતા સામાજિક પરિવર્તન લાવી શકે છે અને વંચિત સમુદાયો અને મહિલાઓ માટે વધારે લાભદાયક સાબિત થઈ શકે છે.