વેસ્ટ ઈન્ડીઝના ખેલાડી ક્રિકેટના મેદાન પર ઘણી વખત કંઈકને કંઈક એવું કરતા હોય છે જે ચર્ચાનો વિષય બની જાય છે. ક્રિસ ગેલ હોય કે પોલાર્ડ તેમની મસ્તીના વીડિયો મોટાભાગે વાયરલ થતાં રહે છે. આ સિવાય તમે આઈપીએલ દરમિયાન ચેન્નઈ સુપરકિંગ્સના ડ્વેન બ્રાવોને ગીતો પર ડાન્સ કરતાં જોયો જ હશે. તે તેની બેટિંગ અને બોલિંગ સિવાય તેના ડાન્સને લઈને પણ ચર્ચામાં રહે છે. તેનો આવો જ એક વીડિયો ફરી સોશિયલ મીડિયા પર ધમાલ મચાવી રહ્યો છે, પણ તેમાં ખાસ વાત એ છે કે આ વખતે તે બોલિવૂડ એક્ટ્રેસ સની લિયોન સાથે ડાન્સ કરી રહ્યો છે.
વેસ્ટ ઈન્ડીઝના ડ્વેન બ્રાવોએ સની લિયોન સાથે કર્યો ડાન્સ
'ચેમ્પિયન' સોન્ગ પર સનીએ બ્રાવો સાથે લગાવ્યા ઠુમકા
હાલ સ્પ્લિટ્સવિલા હોસ્ટ કરી રહી છે સની
આ વીડિયોમાં સની લિયોન ડ્વેન બ્રાવો સાથે તેના ફેમસ સોન્ગ ચેમ્પિયન પર ઠુમકા લગાવતી જોવા મળી રહી છે. આ વીડિયો બ્રાવોએ તેના સોશિયલ મીડિયા એકાઉન્ટ પર શેર કર્યો હતો અને એક કેપ્શન લખી સની લિયોનને ટેગ પણ કરી હતી. આ બંનેએ ફેન્સ સાથે સ્ટેજ પણ ઘણી મસ્તી પણ કરી હતી. આ વીડિયો ફેન્સમાં ઘણો જ પસંદ આવી રહ્યો છે અને લોકો તેમાં ઘણી બધી કમેન્ટ્સ પણ કરી રહ્યાં છે.
ઉલ્લેખનીય છે કે, અત્યારે સની લિયોન સ્પ્લિટ્સવિલા હોસ્ટ કરી રહી છે. તેણે જિસ્મ-2થી બોલિવૂડમાં ડેબ્યૂ કર્યું હતું. ત્યારબાદ સનીએ ઘણી ફિલ્મોમાં આઈટમ સોન્ગ્સ કર્યા છે. વેસ્ટ ઈન્ડીઝ ટીમની વાત કરીએ તો અફગાનિસ્તાનની સાથે સીરિઝ મેચ રમ્યા બાદ હવે આ ટીમ 6 ડિસેમ્બરથી ભારતની સાથે સીરિઝ મેચ રમશે. જ્યાં બંને ટીમ વચ્ચે ત્રણ મેચની વનડે અને ટી20 સીરિઝ રમવામાં આવશે. જોકે, આ સીરિઝમાં ક્રિસ ગેલ અને આન્દ્રે રસેલ જેવા ખેલાડીઓ નહીં રમે.