અધિકારીઓને સુકેશનાં સેલમાંથી 1.5 લાખ રૂપિયાની ગુચીની સેન્ડલ અને 80 હજાર રૂપિયાની કિંમતની 2 જીન્સ પેન્ટ મળે છે જેના બાદ સુકેશ ચંદ્રશેખર ધ્રુસ્કે-ધ્રુસ્કે રડવા લાગે છે.
સુકેશનાં સેલ પર અધિકારીઓએ પાડી રેડ
લાખો રૂપિયાની વસ્તુ કરી જપ્ત
વીડિયોમાં ઠગ સુકેશ રડતો નજરે આવે છે
દિલ્હીનાં મંડોલી જેલમાં બંધ દેશનો મહાઠગ સુકેશ ચંદ્રશેખરનો એક વીડિયો સામે આવ્યો છે. જેમાં તે જેલર દીપક શર્મા અને જયસિંહની સામે ધ્રુસ્કે-ધ્રુસ્કે રડી રહ્યો છે. એકવાર આ જોઈને વિશ્વાસ ન આવે કે દેશનો મહાઠગ જે મોટા મોટા લોકોને છેતરી ચૂક્યો છે એ રડી શકે છે.
#WATCH | Luxury items found in conman Sukesh Chandrasekhar’s jail cell. CCTV visuals from Mandoli jail shared by sources show Sukesh after raids caught items in his jail cell.
CRPFની પડી સેલમાં રેડ
મંડોલી જેલમાં સુકેશની સેલમાં જેલર દીપક શર્મા અને જયસિંહે CRPFની સાથે રેડ કરી હતી. માહિતી અનુસાર સુકેશ ચંદ્રશેખર સુતેલો હતો ત્યારે અચાનક અધિકારી તેના સેલમાં આવે છે અને રેડનાં વિશે જણાવે છે. સુકેશ પથારી પરથી ઊભો થઈ જાય છે. ત્યાર બાદ CRPFનાં લોકો તેની પથારી, ધાબળું, ચાદર વગેરેમાં તપાસ કરે છે અને સુકેશનાં શરીરને પણ મશીનથી તપાસવામાં આવે છે. તેના શૌચાલયની તપાસ પણ થાય છે.
સેલમાંથી લાખોની વસ્તુ મળી આવી
છેલ્લે અધિકારીઓને સુકેશનાં સેલમાંથી દોઢ લાખ રૂપિયાની ગુચીની સેન્ડલ અને 80 હજાર રૂપિયાની કિંમતની 2 જીન્સ પેન્ટ પણ મળે છે. ત્યારબાદ સુકેશ ચંદ્રશેખર ધ્રુસ્કે-ધ્રુસ્કે રડવા લાગે છે. વીડિયોમાં સુકેશ ચંદ્રશેખર રડતા નજરે આવે છે.