સુરક્ષા સામે સવાલ / ભાવનગરમાં સુસાઇડ નોટ લખી 27 વર્ષની યુવતીનો આપઘાત: ફોટો-વીડિયોના આધારે હેરાન કરતો હતો યુવક

• ભાવનગરમાં કાયદો વ્યવસ્થા પર અનેક સવાલ
• એક મહિનામાં ત્રીજો બનાવ જેમાં યુવકના ત્રાસથી યુવતિએ જીમ ગુમાવ્યો
• યુવક ફોટાઓ વાયરલ કરી દેવાની ધમકી આપતો હતો

 ભાવનગર જિલ્લામાં હવે માથાભારે યુવકો દ્વારા  યુવતીઓ ને પજવવાનો સિલસિલો શરૂ થયો હોય તેમ  ફરી એક વખત ગારીયાધાર પંથકની 27 વર્ષીય યુવતીએ યુવકના ત્રાસથી આત્મહત્યા કરી લીધી છે સચિન વોરા નામનાં યુવકે યુવતીને એટલી હદે મજબૂર કરી કે યુવતીએ સુસાઇડ નોટ લખી મોતને વ્હાલું કરવું પડ્યું છે. આ ઘટના પ્રકાશમાં આવતા રાજ્યભરમાં તેના ધેરા પડઘા પડ્યા છે દીકરીઓની સલામતી માટે રાજ્યના ગૃહ મંત્રી દ્વારા આવારા તત્વો પર લગામ લગાવી કડક કાર્યવાહી કરવામાં આવે તેવી પરિવારજનોની માંગ ઉઠી છે

ખેતી કામ કરી ગુજરાન ચલાવતા પરિવાર પર આભ તૂટી પડ્યું
એક તરફ સરકાર દીકરીઓની સલામતી માટે ગુજરાતનું ઉદાહરણ આપતી હોય છે જ્યારે બીજી તરફ ભાવનગર જિલ્લામાં દીકરીઓને સલામતી રહી જ ન હોય તે પ્રકારે બનાવો પ્રકાશમાં આવી રહ્યા છે ભાવનગર જિલ્લાના ગારીયાધાર તાલુકાના ઠાસા ગામે ખેતી કામ કરી ગુજરાત ચલાવતા પરિવાર પર આભ તુટ્યો છે 

યુવક ફોટાઓ વાયલર કરી દેવાની ધમકી આપતો હતો
બનાવની વિગત એ મુજબ છે કે સચિન વોરા નામનો યુવક રવિના બેન કાનાણી નામની 27 વર્ષીય યુવતીને છેલ્લા બે મહિનાથી લગ્ન કરવા માટે મજબૂર કરી ધાકધમકી આપી ફોટાઓ વાયરલ કરી બ્લેકમેલિંગ કરતો હતો જેથી કંટાળી જય રવિના નામની યુવતીએ તારીખ 10-1-2023 ના રોજ એક સુસાઇડ નોટ લખી ગળાફાંસો ખાય આત્મહત્યા કરી લીધી હતી

એક મહિનામાં આ ત્રીજો બનાવ જેમાં યુવતિએ યુવકના ત્રાસથી મોતને વ્હાલું કર્યું
બનાવની પ્રાપ્ત થતી માહિતી અનુસાર રવિના કાનાણી નામની યુવતી એ ધોરણ 10 સુધી અભ્યાસ કર્યો હતો અને ત્યારબાદ તેઓ ઘરકામ કરી જીવન જીવી રહ્યા હતા પરંતુ છેલ્લા બે મહિનાથી આરોપી સચિન વોરા નામના યુવકે દીકરીને વારંવાર ત્રાસ આપી આત્મહત્યા માટે મજબૂર કરી નાખી હતી ભાવનગર જિલ્લાની વાત કરવામાં આવે તો આ એક મહિનામાં ત્રીજો એવો બનાવ છે કે જેમાં યુવતીએ યુવકના ત્રાસથી જીવન ટૂંકાવવું પડ્યું છે. 

કાયદો અને વ્યવસ્થા ઉપર અનેક સવાલો 
ભાવનગર જિલ્લાની  દીકરીઓ પણ અસુરક્ષિત હોવાનું મહેસુસ કરી રહી છે દીકરીની આત્મહત્યા બાદ ફરી એક વખત સમાજ તેમની સાથે રહીને આરોપી વિરોધ કડક કાર્યવાહી કરવામાં આવે તેવી માંગ કરવામાં આવશે જો આ જ પ્રમાણે દીકરીઓની સલામતી નહીં જળવાઈ તો ભાવનગરમાં કાયદો અને વ્યવસ્થા ઉપર અનેક સવાલો ઊભા થઈ શકે છે જો કે આ મામલે પોલીસે તાત્કાલિક અસર થી સચિન ની ધરપકડ કરી છે અને વધુ તપાસ હાથ ધરી છે 

આ બનાવ બાદ મહિલાઓની સુરક્ષા ને લઈ અનેક સવાલો ઊભા થયા છે
દીકરીની આત્મહત્યા બાદ ગારીયાધાર પોલીસે સુસાઇડ નોટ નો કબજો કરી આરોપી સચિન વોરા ની ધરપકડ કરી લીધી છે સચિન વોરા નામનો યુવક આ જ ગામનો હોવાનું ખૂલ્યો છે આરોપી વિરુદ્ધ કડકમાં કડક કાર્યવાહી કરવામાં આવે તેવી પરિવારજનો દ્વારા માંગ કરવામાં આવી છે ફરી એક વખત અન્ય કોઈ દીકરીને પરેશાન અને બ્લેકમેલિંગ કરવામાં ન આવે અને સરકાર દ્વારા મહિલાઓની સુરક્ષા કરવામાં આવે તેવી મૃતક દીકરીના પિતાએ હૈયા વેદના ઠાલવી હતી જોકે આ ઘટના બનતા ની સાથે જ ફરી એક વખત મહિલા સુરક્ષા ને લઈ ભાવનગરમાં અનેક સવાલો ઊભા થયા છે