- હથેળી પર રહેલા છે કેટલાક શુભ અશુભ નિશાન
- આવા લોકોને જલ્દી મળે છે સફળતા
- માતા લક્ષ્મી હંમેશા રહે છે મહેરબાન
હસ્તરેખાશાસ્ત્ર અનુસાર દરેક વ્યક્તિની હથેળી પર અનેક પ્રકારના નિશાન અને રેખાઓ બને છે. જેમાં કેટલાક નિશાન ખૂબ જ શુભ અને કેટલાક નિશાન અશુભ માનવામાં આવે છે. વ્યક્તિની હથેળી પર બનેલી રેખાઓ અને આકૃતિઓનું વિશ્લેષણ કરીને વ્યક્તિના વ્યક્તિત્વ અને ભવિષ્ય વિશે અનુમાન લગાવવામાં આવે છે.
ભાગ્ય રેખાનું વિશેષ સ્થાન
હથેળી પર ભાગ્ય રેખાનું વિશેષ સ્થાન હોય છે. આ ભાગ્ય રેખા દર્શાવે છે કે વ્યક્તિ કેટલો ભાગ્યશાળી છે. સમયાંતરે તેને કેટલો નસીબનો સાથ મળશે અને કેટલો નહીં. શુભ રેખા હોય તો વ્યક્તિને તેના જીવનમાં માન-સન્માન, વૈભવ, સુખ-સુવિધા, સંપત્તિ અને વૈભવ પ્રાપ્ત થાય છે. સારી ભાગ્ય રેખા અને નિશાનીવાળા વ્યક્તિ પર માતા લક્ષ્મી હંમેશા મહેરબાન રહે છે. આવો જાણીએ હથેળી પરની કઈ રેખાઓ વ્યક્તિના જીવનમાં સુખ અને ધન લાવી શકે છે.
હથેળી પર રથ અથવા ધ્વજનું ચિહ્ન
જો કોઈ વ્યક્તિની હથેળી પર રથ અથવા ધ્વજ જેવું નિશાન હોય તો તે ખૂબ જ શુભ ચિન્હ માનવામાં આવે છે. હથેળી પર બનેલા આવા નિશાનવાળી વ્યક્તિ ભાગ્યથી સમૃદ્ધ હોય છે. તેને સમાજમાં ઉચ્ચ સ્થાન મળે છે. જીવનમાં ધનની કમી થતી નથી. આવા લોકોને દરેક કામમાં સફળતા મળે છે.
હથેળી પર માછલીનું નિશાન
હસ્તરેખા જ્યોતિષ શાસ્ત્ર અનુસાર જો વ્યક્તિની હથેળી પર માછલીના આકાર જેવું નિશાન હોય તો તે ખૂબ જ શુભ માનવામાં આવે છે. આવા વ્યક્તિઓ પર મા લક્ષ્મીની કૃપા હંમેશા બની રહે છે. આવી વ્યક્તિને કરોડપતિ બનતા કોઈ રોકી શકતું નથી. જીવનમાં અઢળક ધન અને સુખની પ્રાપ્તિ થાય છે.
ચક્રનું નિશાન
જો કોઈ વ્યક્તિની હથેળી પર ચક્ર જેવું નિશાન બનેલું હોય તો તે ખૂબ જ શુભ માનવામાં આવે છે. હથેળી પર આવા નિશાન વાળા વ્યક્તિને જીવનમાં ક્યારેય પૈસાની કમી આવતી નથી. આવા લોકોમાં નેતૃત્વ કરવાની ક્ષમતા અને આત્મવિશ્વાસ હોય છે. તેમને ભાગ્યનો પૂરો સાથ મળે છે અને ઘણી સફળતા મળે છે. આવી વ્યક્તિઓ બહુ ઓછા સમયમાં સારી ઉપલબ્ધિ પ્રાપ્ત કરે છે.
સારી ભાગ્ય રેખા
જેમની હથેળી પર ભાગ્ય રેખા સારી હોય છે. તેમને જીવનમાં આગળ વધતા કોઈ શક્તિ રોકી શકતુ નથી. ભાગ્ય રેખાને શનિ રેખા પણ કહેવામાં આવે છે. આ ભાગ્ય રેખા સીધી શનિ પર્વત પર મળે છે. જ્યાંથી કાંડાની શરૂઆત થાય છે. આ વગર કપાયે સીધુ શનિ પર્વત પર મળે છે. સારી ભાગ્યરેખા વ્યક્તિને સુવિધા સંપન્ન અને વૈભવ આપે છે.
