સુરતથી 60 કિમી દૂર આવેલા ઝાંકરડા ગામની શાળામાં જોવા મળી કોમી એકતા, શાળાના વિદ્યાર્થીઓ દ્વારા મુસ્લિમ વિદ્યાર્થીઓ માટે ઇફ્તાર પાર્ટીનું આયોજન
સુરતના ઝાંકરડા ગામે કોમી એખલાસ
હિન્દુ ધર્મના લોકો કરાવે છે ઇફ્તારી
નાના બાળકો માટે શાળા માં ઇફ્તારી
એક તરફ કોમી વાતાવરણ ડહોળવાના પ્રયાસો થઇ રહ્યા છે તો બીજી તરફ કોમી એખલાસનું વાતાવરણ જોવા મળી રહ્યુ છે. હાલમાં પવિત્ર રમઝાન માસ ચાલી રહ્યો છે ત્યારે સુરતની એક શાળામાં ભાઇચારાની ભાવના રજૂ કરતી સુંદર ઘટના જોવા મળી.
ભાઇચારાની ભાવનાનું ઉત્તમ ઉદાહરણ
એક તરફ રાજ્યમાં ધર્મ અને જ્ઞાતિના નામે રાજકારણ રમાઇ રહ્યુ છે તો બીજી તરફ એવા પણ લોકો વસે છે જેઓ ભાઇચારાની ભાવના દાખવે છે. બાળકના જીવનનું ઘડતર જો કોઇ કરતુ હોય તો પહેલા શિક્ષક અને ત્યારબાદ મા બાપ. શિક્ષકો વિદ્યાર્થીઓના જીવનમાં અગત્યનો ભાગ ભજવે છે. ત્યારે સુરતની એક શાળામાં વિદ્યાર્થીઓનું સરાહનીય કાર્ડ ઉડીને આંખે વળગે તેવુ છે. પવિત્ર રમઝાન માસ ચાલી રહ્યો છે તેવામાં શાળાના મુસ્લિમ બાળકો માટે ખાસ ઇફ્તારીનું આયોજન કરવામાં આવ્યું. કદાચ આવું પહેલીવાર બન્યું છે કે દર વર્ષે પવિત્ર રમઝાન મહિનામાં એક ધર્મના લોકોએ બીજા ધર્મના લોકોને ઈફ્તાર કરાવે.
મુસ્લિમ વિદ્યાર્થીઓને ઇફ્તારી
વાત છે સુરતના ઝાંકરડા ગામની. આ ગામની શાળાના વિદ્યાર્થીઓએ મુસ્લિમ ભાઇ બહેનો માટે ઇફ્તારીનું આયોજન કર્યુ હતું . શાળાના બાળકો દર વર્ષે રુપિયાની બચત કરે છે. બચાવેલા રુપિયામાંથી સૌ વિદ્યાર્થીઓ સાથે મળીને તહેવારની ઉજવણી કરે છે. દિવાળી, હોળી અને રમઝાન જેવા તહેવારોમાં પૈસાની બચત કરે છે. મુસ્લિમ વિદ્યાર્થીઓ દિવાળી અને હોળીમાં મિઠાઇ વહેંચે છે જ્યારે રમઝાન માસમાં મુસ્લિમ વિદ્યાર્થીઓને ઇફતારી કરાવે છે. ત્યારે અહીં શાળા ખરા અર્થમાં મંદિર સાબિત થઇ છે અને શિક્ષકો વિદ્યાર્થીઓના ગુરુ. કારણ કે શિક્ષક વિના વિદ્યાર્થીઓને આવુ જ્ઞાન કોણ પુરુ પાડે ? ત્યારે ખરેખર ઝાંઝરડાની આ શાળાના સંચાલકોની આ શ્રેષ્ઠ કામગીરીને દિલથી સલામ
Gujarat| We have a tradition to celebrate Ramzan; Hindu students break Muslim students' 'roza' together. Similarly during Diwali, Muslim students collect money to buy firecrackers &sweets for Hindu students: Shah Md Shaheed Ismail, teacher of a govt primary school in Surat(14.04) pic.twitter.com/GnRVEqcaVp
શાળાના મુખ્ય શિક્ષક શાહ મોહમ્મદ સઈદ ઈસ્માઈલે જણાવ્યું કે અહીંની શાળામાં બાળકો દર વર્ષે પૈસા બચાવે છે અને દીપાવલી, હોળી અને રમઝાન મહિનામાં સાથે મળીને ઉજવણી કરે છે. મુસ્લિમ વિદ્યાર્થીઓ દિવાળી અને હોળી દરમિયાન હિન્દુ વિદ્યાર્થીઓને મીઠાઈઓ વહેંચે છે અને રમઝાનમાં મુસ્લિમ વિદ્યાર્થીઓ માટે ઈફ્તાર પાર્ટીનું આયોજન કરે છે. આ શાળામાં શિક્ષણની સાથે સંસ્કૃતિનું પણ સિંચન થાય છે.