તમારા કામનું / નબળા શુક્રને મજબૂત કરે છે શુક્રવારના દિવસે કરેલો આ સરળ ઉપાય, ધન-સંપત્તિ અને સુખમાં થશે વૃદ્ધિ

• શુક્રગ્રહ મજબૂત કરશે આ ઉપાય 
• જ્યોતિષશાસ્ત્રામાં જણાવાયા છે અનેક ઉપાય 
• ધન-સંપત્તિ અને સુખમાં થશે વૃદ્ધિ

શુક્રવાર એ દિવસ છે જ્યાં સંપત્તિની દેવી મા લક્ષ્મીને સમર્પિત કરવામાં આવે છે. ત્યાં જ તે શુક્ર ગ્રહનું પ્રતીક પણ છે. એવું કહેવાય છે કે શુક્ર વ્યક્તિને ભૌતિક સુખ અને સુવિધાઓ પ્રદાન કરનાર ગ્રહ માનવામાં આવે છે.

જ્યોતિષીઓ કહે છે કે જ્યારે વ્યક્તિની કુંડળીમાં શુક્ર બળવાન હોય છે ત્યારે વ્યક્તિને ધન, સંપત્તિ, સુખ અને સુવિધાઓ મળે છે. બીજી બાજુ શુક્ર નબળો હોય ત્યારે વ્યક્તિમાં આ વસ્તુઓનો અભાવ હોય છે.

કરો શુક્ર સ્તોત્રનો પાઠ 
દરેક વ્યક્તિ ઈચ્છે છે કે તેના જીવનમાં દરેક પ્રકારની સુખ-સુવિધાઓ મળે. અને આ ઈચ્છાઓ પૂરી કરવા માટે વિવિધ ઉપાયો લે છે. જ્યોતિષશાસ્ત્રમાં શુક્ર ગ્રહને બળવાન બનાવવા માટે કેટલાક ઉપાય જણાવવામાં આવ્યા છે. 

આમાંથી એક ઉપાય શુક્ર સ્તોત્રનો પાઠ છે. શુક્રને બળવાન બનાવવા માટે દર શુક્રવારે શુક્રના બીજ મંત્રનો જાપ કરો. જો તમે આ ન કરી શકો તો દર શુક્રવારે શુક્ર સ્તોત્રનો પાઠ કરવાથી ફાયદો થશે.

આ પદ્ધતિથી કરો શુક્ર સ્તોત્રનો પાઠ 
જ્યોતિષ શાસ્ત્ર અનુસાર શુક્ર સ્તોત્રનો પાઠ કરતા પહેલા સ્નાન કરો અને પછી સફેદ વસ્ત્રો પહેરો. આ પછી દેવી લક્ષ્મીની મૂર્તિની સ્થાપના કરો અને તેમની પૂજા કરો. સફેદ આસન પર બેસીને શુક્ર સ્તોત્રનો પાઠ કરો. 

મહત્વનું છે કે આ લખાણ સંસ્કૃતમાં લખાયેલું છે, તેથી વાંચતી વખતે શબ્દોનો યોગ્ય ઉચ્ચાર કરો. જો આ પાઠનો જાપ યોગ્ય રીતે અને પદ્ધતિસર કરવામાં આવે તો જલ્દી જ ફાયદો થાય છે.