Ukraine crisis / એક પિતાએ અજાણી મહિલાને સોંપી દીધા વ્હાલસોયા સંતાન, સરહદ પાર કરી માતાને મળી પોક મુકી બાળકો રડ્યા

• યુક્રેન કરી રહ્યું છે સંકટનો સામનો
• કેટલીય જગ્યાએથી ભાવૂક દ્રશ્યો સામે આવ્યા
• એક પિતાએ અજાણી મહિલાને કાળજાને કટકા સોંપી દીધા

રશિયા અને યુક્રેનની વચ્ચે ચાલી રહેલા યુદ્ધમાંથી કેટલાય ભાવૂક દ્રશ્યો સામે આવી રહ્યા છે. જેવી પીતે આ યુદ્ધમાં મહિલાઓ અને બાળકો તથા સામાન્ય નાગરિકો બેઘર થઈ ગયા છે અને પરિવાર વિહોણા બની ગયા છે. તેમની કહાની દિલ હચમચાવી નાખનારી છે. યુદ્ધકાળમાં લોકો એક બીજાની મદદ માટે આગળ આવી રહ્યા છે, પછી ભલેને તે જાણતા હોય કે, ન જાણતા હોય. આવી જ રીતની એક ભાવૂક દ્રશ્ય સામે આવ્યું છે, જેમાં એક અજાણી મહિલા એક અજાણ્યા બાળકની એવી રીતે દેખરેખ રાખી જાણે તે પોતાનો સગો દિકરો કેમ ન હોય.

બે અજાણ્યા બાળકને લઈને હંગેરી પહોંચી

નતાલિયા એબ્લિયેવા જોકિ યુક્રેનની બોર્ડર પાર કરીને શનિવારે હંગેરી પહોંચી છે. અહીં 38 વર્ષિય એક વ્યક્તિએ પોતાના બે બાળકો સાથે જીવવા માટે મથામણ કરી રહ્યો હતો. જો કે. યુક્રેનની સેનાએ બે બાળકો સહિત સરહદ પાર કરવાની મંજૂરી આપી નહીં. જે બાદ આ મહિલા તેના બાળકોને લઈને હંગેરી પહોંચી ગઈ. હકીકતમાં યુક્રેનની સેનાએ નિયમ બનાવ્યો છે કે, 18-60 વર્ષના લોકો યુક્રેન બહાર જઈ શકતા નથી. તેમને રશિયાની સેના વિરુદ્ધ પોતાના દેશ માટે લડવાનું કહેવામાં આવ્યું છે. 

બાળકોના પિતાએ મારા પર વિશ્વાસ મુક્યો

નતાલિયા જણાવે છે કે, આ બાળકોના પિતાએ મારા પર પોતાના બાળકોને સાચવવા માટે વિશ્વાસ મુક્યો, મને તેમનો પાસપોર્ટ આપ્યો અને તેમને લઈ જવા કહ્યું. હું આ બાળકોને પહેલા ક્યારેય મળી નથી. બાળકોના પિતાએ કહ્યું કે, તેની માતા ઈટલીમાં છે, અને તે આપને ત્યાં મળશે. બાળકોના પિતાએ મને બાળકોની માતાનો ફોન નંબર આપ્યો છે. પોતાના બંને બાળકને અજાણી મહિલાના હાથમાં સોંપી પિતા રશિયા સામે લડવા માટે નિકળી પડ્યાં.

અજાણી મહિલા બની સહારો

જે બાદ નતાલિયા આ બંને બાળકોને લઈને હંગેરી પહોંચી. નતાલિયા બંને બાળકોનો હાથ પકડીને તેમને સરહદ પાર કરાવી. હંગેરી પહોંચ્યા બાદ અહીં શરણાર્થીઓ માટે કેમ્પ બનાવ્યો છે અને ત્યાં લાચાર અને નિ:સહાય લોકો આવીને વસે છે. આ દરમિયાન એક બાળકનો ફોન રણક્યો, તેની માતાએ તેને ફોન કર્યો, જે દ્રશ્ય જોઈને ત્યાં હાજર સૌ કોઈ રડવા લાગ્યા હતા. બાળકોની મોતા હંગેરી બોર્ડર પાસે હતી, જ્યારે બંને બાળકોની માતા ત્યાં પહોંચી તો આ દ્રશ્ય જોવા જેવું હતું. બંને બાળકોને ભેટીને રડવા લાગ્યા.

માતાએ મહિલાને ગળે લગાવીને આભાર વ્યક્ત કર્યો

બાળકોની માતા એનાએ નતાલિયાનો આભાર વ્યક્ત કર્યો. જે રીતે આ કડકડતી ઠંડીમાં તેમની રાહ જોતી રહી, તેના માટે તેમનો આભાર વ્યક્ત કર્યો. અને બંને એક બીજાને ભેટી પડ્યા. બંને આ ભાવૂક ક્ષણને રોકી શક્યા નહીં, અને બંનેની આંખમાંથી આંસૂ વહેવા લાગ્યા. એના કહે છે કે, હું મારા બાળકોને હંમેશા એક દિલાસો આપતી રહું છું કે, બધું બરાબર થઈ જશે, એક બે અઠવાડીયામાં ફરીથી આપણે ઘરે જઈ શકીશું.