ભારતમાં કોરોના સંક્રમણની અનિયંત્રિત સ્પીડ માટે અહીં મળેલા ડબલ મ્યૂટેશન વાયરસને જવાબદાર ગણાવવામાં આવી રહ્યા છે.
બ્રિટન અને પાકિસ્તાને ભારતને રેડ લિસ્ટમાં નાંખી દિધા
અમેરિકાએ પણ પોતાના નાગરિકોને ભારતના પ્રવાસથી બચવાની સલાહ આપી
મહારાષ્ટ્રમાં સૌથી પહેલા મળી આવ્યો હતો ડબલ મ્યૂટેશન
બ્રિટન અને પાકિસ્તાને ભારતને રેડ લિસ્ટમાં નાંખી દિધા
દુનિયાભરમાં આ નવા વેરિએન્ટને લઈને ચર્ચા શરુ થઈ છે. સ્થિતિ એ છે કે બ્રિટન અને પાકિસ્તાને ભારતને રેડ લિસ્ટમાં નાંખી દિધા છે. એટલે કે આ દેશોએ ભારતીયોની એન્ટ્રી પર હાલ પ્રતિબંધ મુક્યો છે. કોરોનાના નવો વેરિએન્ટ અત્યાર સુધી દુનિયાના 10 દેશોમાં જોવા મળ્યો છે.
અમેરિકાએ પણ પોતાના નાગરિકોને ભારતના પ્રવાસથી બચવાની સલાહ આપી
ત્યારે અમેરિકાએ પણ પોતાના નાગરિકોને ભારતના પ્રવાસથી બચવાની સલાહ આપી છે અમેરિકાના CDCએ પોતાના નાગરિકોને નિર્દેશની સાથે કહ્યું છે કે રસીના તમામ ડોઝ લઈ ચૂકેલા પ્રવાસીઓને પણ નવા વેરિએન્ટ અને સંક્રમણ ફેલાવાનું જોખમ હોઈ શકે છે. એટલા માટે ભારતમાં કોઈ પણ પ્રકારના પ્રવાસ કરવાથી બચવું જોઈએ. જો તમારે ભારતમાં કોઈ પણ પ્રકારના પ્રવાસથી બચવું જોઈએ. જો તમારો ભારત પ્રવાસ ખૂબ જરુરી છે તો આ પ્રવાસ પહેલા સંપૂર્ણ રીતે રસી લગાવી લો.
Amid a surge in COVID cases (in India), travellers should avoid all travel to India. Even fully vaccinated travellers may be at risk for getting & spreading variants and should avoid all travel to India. If you must travel to India, get fully vaccinated before travel: CDC, USA pic.twitter.com/VrLK4hpZRA
આ વેરિએન્ટને વૈજ્ઞાનિક રીતે B.1.617 નામ આપવામાં આવ્યું છે. જેમાં બે પ્રકારના મ્યૂટેશન છે. E484Q અને L452R મ્યૂટેશન. સરળ ભાષામાં સમજીએ તો આ વાયરસનું તે રુપ છે જેમાં જીનોમમાં 2 વાર ફેરફાર થયો છે. આમ તો વાયરસના જીનોમિક વેરિએન્ટમાં ફેરફાર સામાન્ય વાત છે. હકિકતમાં વાયરસ પોતાને લાંબા સમય સુધી અસરકારક રાખવા માટે વાયરસ પોતાની જિનેટિક સંરચનામાં ફેરફાર લાવતા રહે છે. જેથી તેને મારી ન શકાય. ડબલ મ્યૂટેશન ત્યારે થાય છે જ્યારે વાયરસના 2 મ્યૂટેટેડ સ્ટ્રેન મળે છે ત્રીજો સ્ટ્રેન બનાવે છે. ભારતમાં રિપોર્ટ કરવામાં આવેલા ડબલ મ્યૂટેટ વાયરસ E484Q અને L452Rના મળવાના અસરથી બન્યું છે. L452R સ્ટ્રેન સંયુક્ત રાજ્ય અમેરિકામાં કેલિફોર્નિયામાં જોવા મળે છે અને E484Q સ્ટ્રેન સ્વદેશી છે.
મહારાષ્ટ્રમાં સૌથી પહેલા મળી આવ્યો હતો ડબલ મ્યૂટેશન
ડબલ મ્યૂટેશન મહારાષ્ટ્રમાં સૌથી પહેલા મળી આવ્યો હતો. એ બાદ દિલ્હી, ગુજરાત, પશ્ચિમ બંગાળ, કર્ણાટક અને મધ્ય પ્રદેશમાં પણ જોવા મળ્યો. આ બન્ને મ્યૂટેશન વધારે સંક્રમણના દર માટે ઓળખાય છે. ત્યારે આ પહેલી વાર છે કે બન્ને મ્યૂટેશન એક સાથે મળી ગયા છે. જેથી વાયરસે અનેક ગણા વધારે સંક્રમણ અને ખતરનાક રુપ લીધું છે. આ વાયરસ શરીરની કોઈ કોષિકા પર હુમલો કરે છે અને કોષિકા થોડાક કલાકોની અંદર વાયરસ હજારો કોપી બનાવી લે છે. જેથી કોરોના વાયરસનો લોડ ઝડપથી વધતા દર્દી ગંભીર સ્થિતિમાં પહોંચે છે. ઉલ્લેખનીય છે કે હજું એ સ્પષ્ટ ન કહીં શકાય કે આ વેરિએન્ટમાં રસી કેટલી અસરકારક છે. અત્યાર સુધી એવું મનાય છે કે ભારતની કોવેક્સિન અને કોવાશીલ્ડ આની સામે કારગત છે.
શુ નવો વેરિએન્ટ બીજા કરતા વધારે ખતરનાક
શોધકર્તાઓ હવે એ જાણવાનો પ્રયાસ કરી રહ્યા છે. જો કે L452R પર અમેરિકામાં અનેક શોધ થઈ છે અને જોવા મળ્યું છે કે આ સંક્રમણ 20 ટકા સુધી વધે છે અને સાથે એન્ટીબોડી પર 50 ટકા સુધી અસર પડે છે.