હેલ્થ / વાળ ખૂબ વધારે ખરતા હોય તો આ વસ્તુઓ પર જરૂર ધ્યાન આપો, ટાલ પડતી અટકી જશે

• વાળ ખરતા હોય તો આયો આ વાતો પર ધ્યાન 
• આ બિમારીઓના કારણે પણ ખરી શકે છે વાળ 
• ટાલ પડવાના કારણો વિશે જાણી લો 

ખરતા વાળને સમય પર સારવાર ન મળવા પર ટાલની સમસ્યા વધી શકે છે. વાળ ઘણા અલગ અલગ લક્ષણોના કારણે પડે છે અને મહિલાઓ તથા પુરૂષોમાં તેને પડવાના કારણે પણ અલગ અલગ હોય છે. અમુક લોકોના વાળ પહેલા ઝડપથી પાતળા થાય છે અને પછી ખરવાના શરૂ થઈ જાય છે અમુક કેસમાં વાળ નાના થઈ જાય છે અને પછી ટાલ પડી જાય છે. 

એન્ડ્રોજેનેટિક એલોપીશિયા (Androgenetic alopecia)
એન્ડ્રોજેનેટિક એલોપીશિયાને સરળ ભાષામાં ટાલ કહેવામાં આવે છે. આ એક એવી સ્થિતિ છે. જેમાં કોઈ વ્યક્તિના વાળ ટાલના કારણે ખરે છે. વાળથી સંબંધિત આ સમસ્યા ઘરના વૃદ્ધોમાં વધારે રહે છે. મૂળ સહિત વાળ ખરવાનું એક મોટુ કારણ એન્ડ્રોજેનેટિક એલોપીશિયા છે. 

પુરૂષોમાં આ સમસ્યાને મેલ પેટર્ન બાલ્ડનેસ કહે છે. આવી સ્થિતિના કારણે પુરૂષોના વાળ ખોપડીથી અથવા માથાના ઉપરના ભાગમાંથી ખરવાનું શરૂ થાય છે અને ધીરે ધીરે ટાલ પડવા લાગે છે. જ્યારે મહિલાઓમાં આ સમસ્યાઓના કારણે વાળ ઝડપથી પાતળા થઈ જાય છે. આવું આખા માથાના ભાગમાં થાય છે. 

એલોપેશિયા એરિયાટા (Alopecia areata)
એલોપેશિયા એરિયાટા એક એવી સમસ્યા છે. જેના કારણે તમારી ઈમ્યૂન સિસ્ટમ તમારા વાળને નુકસાન પહોંચાડે છે. આવી ઈમ્યુન સિસ્ટમ એટલે કે રોગ પ્રતિકારક પ્રણાલીમાં આવવાથી ડિસઓર્ડરનું કારણ બને છે. 

આ ડિસઓર્ડરના કારણે વાળ નાના નાના ગુચ્છાઓના રૂપમાં નિકળે છે અને માથામાં ઘુચ બનાવવા લાગે છે. આ ડિસઓર્ડરની અસર આઈબ્રો અને આઈ લેશિઝ પર પણ થઈ શકે છે. એટલે કે આ ભાગમાં વાળ પણ ખરી શકે છે અને તે ઘુચ વધારે શકે છે. 

હોર્મોન્સ છે સૌથી મોટી સમસ્યા 
વાળ ખરવાનું એક મોટુ કારણ શરીરમાં હોર્મોનલ ઈન્બેલેન્સ પણ હોય છે. જોકે હોર્મોન્સના કારણે થતા હેર લોસ ટેમ્પોરેરી હોય છે અને યોગ્ય દેખરેખ બાદ તમે ફરી પોતાના માથા પર વાળ ઉગાડી શકો છો. 

અમુક લોકોમાં હોર્મોન્સની સમસ્યાના કારણે વાળ ખરતા નથી પરંતુ ખૂબ જ જલ્દી પતલા થવા લાગે છે અને કમજોર થઈને વચ્ચેથી તૂટવા લાગે છે. પીસીઓડીની સમસ્યાથી પરેશાન મહિલાઓમાં હોર્મોનલ ઈન્બેલેન્સના કારણે પણ હેર ફોલની સમસ્યા થઈ શકે છે. 

હેર સ્ટાઈલિંગ અને પ્રોડક્ટ્સ 
આજકાલ પોતાના વાળને જે પ્રકારે અલગ અળગ સ્ટાઈલ કરવાનો ટ્રેન્ડ છે અને જેટલા ભારે કેમિકલનો ઉપયોગ કરવામાં આવી રહ્યો છે. તે પણ ઘણી વખત ટાલનું કારણ બની શકે છે. 
 કારણ કે વાળો પર ઉપયોગ કરવામાં આવતા પ્રોડક્ટ્સમાં સોડિયમ અને લોરિલ સલ્ફેડ અને લોરથ સલ્ફેટ, સોડિયમ ક્લોરાઈડ, પ્રોપલીન ગ્લાઈકોલ જેવા ઈન્ગ્રીડિએન્ટ હોય છે. તે દરેક લોકોના વાળને રાસ નથી આવતા અને રિએક્શનના કારણે વાળ ઝડપથી ખરવા લાગે છે.