જૂથ અથડામણ / અમદાવાદના ગોમતીપુરમાં રંગ નાખવા બાબતે ધીંગાણું, ઉશ્કેરાયેલું ટોળું 10 જેટલા વાહનોને નુકસાન કરીને ફરાર

• અમદાવાદમાં રંગ નાખવા બાબતે મોટી બબાલ
• ગોમતીપુરમાં આમ્રપાલી સિનેમા નજીક પથ્થરમારો
• 10 જેટલા લોડિંગ ટેમ્પોના કાચ તોડવામાં આવ્યા

અમદાવાદમાં રંગ નાખવા બાબતે મોટી બબાલ

સમગ્ર દેશમાં ધુળેટીની ઉજવણી કરાઈ રહી છે. પરંતુ આ તહેવાર વચ્ચે અમદાવાદમાં રંગ નાખવા બાબતે મોટી બબાલ થવા પામી છે. અમદાવાદના ગોમતીપુરમાં આમ્રપાલી સિનેમા નજીક રંગ નાખવા બાબતે મોટી બબાલ થતાં પથ્થરમારો થયો છે. 

સમગ્ર વિસ્તારમાં SRP પોલીસનો ચૂસ્ત બંદોબસ્ત

આ ઘટનામાં ટોળાએ 10 જેટલા લોડિંગ ટેમ્પાના કાચ તોડવામાં આવ્યા છે. બાદમાં વાહનોને નુક્શાન કરી ફરાર થઈ ગયા છે. આ ઘટનાની જાણ અમદાવાદ પોલીસને થતાં તુરંત જ ઘટના સ્થળે SRP પોલીસનો ચૂસ્ત બંદોબસ્ત કરી દેવામાં આવ્યો છે.   
 
મહિસાગર, હાડોડ તથા દ્વારકામાં યુવકોના ડુબી જવાથી મોત નિપજતાં  અરેરાટી ફેલાઈ 

બીજી તરફ ધુળેટીના આ તહેવાર વચ્ચે કેટલાક પરિવારોમાં શોકનો માહોલ જોવા મળ્યો હતો. જેમાં ધુળેટી રમ્યા બાદ કેટલાક યુવકો ન્હાવા જતાં નદીમાં ડુબી જવાથી મોત નિપજ્યા હતાં. પ્રાપ્ત માહિતી અનુસાર મહિસાગર, હાડોડ તથા દ્વારકામાં યુવકોના ડુબી જવાથી મોત નિપજતાં પંથકમાં અરેરાટી ફેલાઈ ગઈ હતી. જેમાં દ્વારકાની ત્રિવેણી નદીમાં 5 યુવકોના ડુબી જવાથી મોત નિપજ્યા છે. તેમજ મહિસાગર નદીમાં 3 યુવકોના ડુબી જવાથી મોત નિપજ્યા છે જેમાં 1 યુવકની શોધખોળ પણ હાથ ધરવામાં આવી છે. આ સીવાય મહિસાગરના હાડોડમાં પણ 2 યુવકોના નદીમાં ડુબી જવાથી મોત નિપજ્યા છે. આ દુર્ઘટનાને પગલે ઘટનાસ્થળે લોકોના ટોળે-ટોળા ઉમટી પડ્યા હતાં.