મહામારી / ગુજરાતમાં કોરોનાના કેસ ઘટતા 15 લાખથી વધુ રેમડેસિવિર ઈન્જેક્શનનો જથ્થો પડતર

• કોરોનાના કેસ ઘટતા રેમડેસિવિર ઈન્જેક્શન હવે કોઈ લેનારૂ નથી
• એક સમયે રેમડેસિવિર માટે પડાપડી થતી હતી
• દેશમાં કંપનીઓ અને સ્ટોકિસ્ટ પાસે 73 લાખ ઇન્જેક્શનનો સ્ટોક

કોરોનાના કેસોમાં સતત ઘટાડા સાથે રેમડેસિવિર ઇન્જેક્શનની માંગ તળિયે પહોંચી છે. હજુ બે મહિના પહેલાં સુધી એક ઇન્જેક્શન મેળવવા માટે દર્દીના સગાં રઝળપાટ કરતા હતા અને હવે સદનસીબે કેસ ઘટ્યાં છે. જેથી કંપનીઓ અને સ્ટોકિસ્ટ પાસે લગભગ 73 લાખ ઇન્જેક્શન વાઇલ્સનો જથ્થો વેચાયા વગર પડ્યો છે. કેમિસ્ટ ફેડરેશનના અંદાજ મુજબ ગુજરાતમાં પણ લગભગ 15 લાખથી વધુ ઇન્જેક્શનનો સ્ટોક વેચાયા વગર છે અને એમઆરપી કરતાં ઓછી કિંમતે ઇન્જેક્શનો ઉપલબ્ધ છે.