Share Market / ગઇ કાલના ધબડકા બાદ આજે શેરમાર્કેટમાં તેજી, 450 પોઈન્ટના ઉછાળા સાથે ખૂલ્યો સેન્સેક્સ

• શેરબજાર માટે આજની શરૂઆત ખૂબ જ સારી રહી
• BSE સેન્સેક્સ 452 પોઈન્ટના ઉછાળા સાથે 55921 પર ખુલ્યો
• NSE નો નિફ્ટી આજે 117.20 પોઈન્ટનો સારો એવો ઉછાળો

જાણો કેવી રીતે ખુલ્યું બજાર?

BSE સેન્સેક્સ 452 પોઈન્ટના ઉછાળા સાથે 55921 પર ખુલ્યો હતો અને આજે નિફ્ટીએ 117.20 પોઈન્ટના સારા ઉછાળા સાથે 16723 ના સ્તર પર ટ્રેડ કરવાનું શરૂ કર્યું છે.

પ્રી-ઓપનિંગમાં બજાર

NSE નો નિફ્ટી આજે 117.20 પોઈન્ટના સારા ઉછાળા સાથે 16723 ના સ્તર પર પ્રી-ઓપન ટ્રેડ જોવા મળી રહ્યો છે અને BSE સેન્સેક્સ 452 પોઈન્ટના ઉછાળા સાથે 55921 ના ​​સ્તર પર ટ્રેડિંગ ટ્રેડ જોવા મળી રહ્યો છે.

જાણો કેવી છે Nifty ની સ્થિતિ?

નિફ્ટીના 50 શેરોમાંથી 44 શેરોમાં ભારે તેજી સાથે લીલા નિશાન પર ટ્રેડ થઈ રહ્યાં છે અને 6 શેરોમાં ઘટાડાના લાલ નિશાન સાથે ટ્રેડ થઈ રહ્યાં છે. બેંક નિફ્ટીની જો વાત કરીએ તો તેમાં 200 પોઈન્ટનો ઉછાળો જોવા મળી રહ્યો છે અને તે 35,574ના લેવલે જોવા મળી રહ્યો છે. બેન્કિંગ શેરોમાં HDFC બેન્કના શેરમાં જબરદસ્ત તેજી જોવા મળી રહી છે.

સેક્ટોરિયલ ઈન્ડેક્સમાં કેવી છે ચાલ?

આજના સેક્ટોરિયલ ઈન્ડેક્સ પર જો નજર કરીએ તો આઈટી, બેન્કિંગ, મેટલ, ફાઈનાન્સિયલ, હેલ્થકેર, ઓઈલ એન્ડ ગેસ, ઓટો શેરોમાં સારી એવી તેજી સાથે કારોબાર થઈ રહ્યો છે. આ સાથે ઉર્જા, મીડિયા અને PSU બેંક ક્ષેત્રોમાં મામૂલી વધારા સાથે કારોબાર કરવામાં આવી રહ્યો છે. નિફ્ટીના તમામ 19 સેક્ટોરિયલ ઇન્ડેક્સ તેજીના લીલા નિશાનમાં છે.

શેરબજારમાં ટોપ ગેનર્સ

આજે શેરબજારના ટોપ ગેનર્સની જો વાત કરીએ તો કોલ ઈન્ડિયામાં લગભગ 4 ટકાનો ઉછાળો આવ્યો છે. IOC માં 3.70 ટકા અને ONGC 2.45 ટકાનો વધારો નોંધાવી રહ્યું છે. આ સાથે BPCL અને વિપ્રો અંદાજે 2 ટકાની મજબૂતાઈ સાથે યથાવત છે.

નિફ્ટીના ઘટતા શેર

એશિયન પેઇન્ટ્સમાં 1.3 ટકાનો ઘટાડો છે જ્યારે HDFC લાઇફ 1.03 ટકા ડાઉન છે. અલ્ટ્રાટેક સિમેન્ટ લગભગ 0.9 ટકા અને મારુતિ 0.5 ટકા ડાઉન છે. બીજી તરફ નેસ્લે ઈન્ડસ્ટ્રીઝ પણ તળિયે રહી હતી.

જાણો ગઈ કાલે બજાર કેવી રીતે બંધ રહ્યાં હતાં?

ગઇ કાલે સેન્સેક્સ 778.38 પોઈન્ટ્સ અથવા 1.38 ટકાના ઘટાડા સાથે 55,468.90 પર બંધ થયો હતો અને નિફ્ટી ઈન્ડેક્સ 187.95 પોઈન્ટ્સ અથવા 1.12 ટકા ઘટીને 16,605.95 પર બંધ થયો હતો.