ઓક્ટોબર મહિનાનું પહેલું ટ્રેન્ડ સેશન શેર બજારના રોકાણકારો માટે ખૂબ જ નિરાશાજનક રહ્યું છે, માર્કેટ લાલ નિશાનમાં થયું બંધ.
શેર બજારના રોકાણકારોના ખરાબ દિવસો
મહિનાની શરૂઆતમાં માર્કેટ નીચે બેસી ગયું
માર્કેટ નીચે જવાનું કારણ રોકાણકારોનું પ્રોફિટ બુકિંગ
ઓક્ટોબર મહિનાનું પહેલું ટ્રેન્ડ સેશન શેર બજારના રોકાણકારો માટે ખૂબ જ નિરાશાજનક રહ્યું છે. દુનિયાભરના શેર બજારોમાં ઘટાડાની અસર ભારતીય બજાર પર પડી છે. આજના કારોબારી સત્રમાં રોકાણકારોના પ્રોફિટ બુકિંગના કારણે શેર બજાર ઘટાડા સાથે બંધ થયું છે. બોમ્બે સ્ટોક એક્સચેન્જનો સેન્સેક્સ 668 પોઇન્ટના ઘટાડા સાથે 56,758 અને નિફ્ટી 213 પોઇન્ટના ઘટાડા સાથે 16,875 પોઇન્ટની સપાટીએ બંધ રહ્યો હતો.
સૌથી મોટો ઘટાડો
બજારમાં આજે સૌથી મોટો ઘટાડો એફએમસીજી અને બેન્કિંગ સેક્ટરના શેરમાં જોવા મળ્યો છે. નિફ્ટીના એફએમસીજી ઈન્ડેક્સ 2.09 ટકા ઘટીને બંધ થયા છે, જ્યારે બેન્ક નિફ્ટી 1.56 ટકા ઘટીને બંધ થયા છે. ઓટો. આઇટી, મેટલ્સ, એનર્જી, કન્ઝ્યુમર ડ્યુરેબલ્સ સેક્ટરના શેરમાં પણ મોટો ઘટાડો જોવા મળ્યો હતો. સ્મોલ-કેપ અને મિડ-કેપ શેરોમાં પણ પ્રોફિટ-બુકિંગ જોવા મળ્યું હતું. નિફ્ટીના 50 શેરોમાંથી માત્ર 9 શેર લીલા નિશાનમાં બંધ થયા છે, જ્યારે 41 શેરોમાં ઘટાડો જોવાને મળ્યો છે. સેન્સેક્સના 30 શેરોમાંથી 4 શેરોમાં ખરીદી થઈ હતી જ્યારે 26 શેરો ઘટીને બંધ થયા હતા.
આ સ્ટોકમાં વધારો જોવા મળ્યો
ઓએનજીસી 4.42 ટકા, ડો.રેડ્ડીઝ લેબ 1.94 ટકા, સિપ્લા 1.42 ટકા, બીપીસીએલ 1.31 ટકા, કોલ ઇન્ડિયા 1.27 ટકા, ડિવિઝ લેબ 0.58 ટકા, એનટીપીસી 0.44 ટકા, ભારતી એરટેલ 0.38 ટકા અને વિપ્રો 0.06 ટકા બંધ રહ્યા હતા.
આ સ્ટોકમાં ઘટાડો જોવા મળ્યો
અદાણી એન્ટરપ્રાઇઝ 8.64 ટકા, આઇશર મોટર્સ 5.67 ટકા, અદાણી પોર્ટ્સ 4.42 ટકા, મારુતિ સુઝુકી 3.18 ટકા, ટાટા કન્ઝ્યુમર પ્રોડક્ટ્સ 3.10 ટકા, એચયુએલ 2.76 ટકા હિન્ડાલ્કો 2.46 ટકા, ઇન્ડસઇન્ડ બેન્ક 2.44 ટકા ઘટયા હતા.