ઓસ્ટ્રેલિયાનાં દિગ્ગજ બેટ્સમેન સ્ટીવ સ્મિથને આઈપીએલ 2021માં દિલ્હી કેપિટલ્સે 2.2 કરોડમાં ખરીદ્યો છે, જ્યારબાદ ઓસ્ટ્રેલિયાનાં પૂર્વ કેપ્ટન માઇકલ ક્લાર્કે ચોંકાવનારો ખુલાસો કર્યો હતો.
ઓછી રકમમાં વેચાવાને લીધે આઈપીએલમાંથી બહાર થઈ શકે છે
ઓસ્ટ્રેલિયાનાં પૂર્વ કેપ્ટનનો ખુલાસો
ગત સિઝન સ્મિથ માટે ખરાબ નીવડ્યું હતું
હેમસ્ટ્રિંગને લીધે ટૂર્નામેન્ટમાંથી બહાર થઈ શકે છે
હાલમાંજ યોજાયેલ ઈન્ડિયન પ્રિમિયર લીગની હરાજીમાં સ્ટીલ સ્મિથનાં ફક્ત 2.2 કરોડમાં વેચાયા બાદ ઓસ્ટ્રેલિયાનાં પૂર્વ કેપ્ટ માઇકલ ક્લાર્કે એક ચોંકાવનારો ખુલાસો કર્યો છે. તેણે કહ્યું કે આટલી ઓછી રકમ માટે સ્ટીવ સ્મિથનું આઈપીએલ 2021માં રમવુ મુશ્કેલ છે. ક્લાર્ક આ બાબતે હેરાન છે કે સ્મિથ જેવા કાબેલ બેટ્સમેનને દિલ્હી કેપિટલ્સે ફક્ત આટલી ઓછી રકમમાં ખરીદી લીધો. જોકે તેનાંથી બીજા ઘણાં પણ આશ્ચર્યમાં હતા. ક્લાર્ક કદાચ સામાન્ય હેમસ્ટ્રિંગ(માસપેશીમાં ખેંચ)ને લીધે ટૂર્નામેન્ટથી બહાર પણ હટી શકે છે.
ઓછી રકમ માટે પરિવારથી દૂર નહીં રહે સ્મિથ
ક્લાર્કે કહ્યું કે, હું જાણું છું કે સ્મિથનું ટી-20 પ્રદર્શન વધારે સારુ નથી અને ગત વર્ષે આઈપીએલ પણ સારી નહોતી ગઈ. હું તેની આટલી કિંમતમાં વેચાવાથી ખૂબ આશ્ચર્યમાં છું. જે 400,000 ડોલરથી પણ ઓછી છે. તેણે કહ્યું કે, પણ જો તમે જુઓ કે તેની ગત સિઝનમાં રાજસ્થાન રોયલ્સનાં કેપ્ટનની ભૂમિકામાં તેને કેટલા પૈસા મળી રહ્યાં હતા. પણ જો તેને ભારત જતા પહેલા સામાન્ય હેમસ્ટ્રિંગ આવી જાય તો વધારે હેરાન ના થતા. ક્લાર્કે કહ્યું કે, આઠ મહિનાનાં આ ટૂર્નામેન્ટ માટે મને નથી લાગતુ કે તે ફક્ત 2.2 કરોડ રુપિયા માટે પોતાના પરિવાર અને પત્નીથી આટલા અઠવાડિયાનાં સમય સુધી દૂર રહી શકશે.
12.5 કરોડ પ્રતિ વર્ષની સેલરી મેળવતો હતો
આઈપીએલ 2020માં સ્ટીવ સ્મિથનું પ્રદર્શન ખરાબ રહ્યુ હતું. સ્મિથ 14 મેચોમાં ફક્ત 25.91ની એવરેજથી 311 રન બનાવી શક્યો હતો. સ્મિથની કેપ્ટન્સીમાં રાજસ્થાન પોઈન્ટ ટેબલમાં છેલ્લા નંબર પર રહ્યું હતું. ત્યારબાદ તેણે ટીમનાં કેપ્ટનથી હટાવીને ફરી રિટેન નથી કર્યો. જોકે સ્મિથનું આઈપીએલ કરિયર શાનદાર રહ્યું છે. તેણે 95 મેચમાં 35.34ની એવરેજથી 2333 રન બનાવ્યા છે. તેનાં બેટથી 1 શતક અને 11 અર્ધશતક બન્યા છે.ઉલ્લેખનીય છે કે ગત સિઝનમાં સ્મિથને 12.5 કરોડ રુપિયા પ્રતિ સિઝન સેલરી મળતી હતી.