પ્રવાસન / Statue of Unity એ અમેરિકાના વિશ્વપ્રસિદ્ધ સ્ટેચ્યુ ઑફ લિબર્ટીને આ રેકોર્ડમાં પાછળ રાખ્યું

• સ્ટેચ્યુ ઓફ યુનિટિને જોવા એક દિવસમાં લગભગ 15,000 પર્યટકો આવે છે
• સ્ટેચ્યુ ઓફ યુનિટિ દુનિયાની સૌથી ઉંચી પ્રતિમા છે
• સ્ટેચ્યુ ઓફ યુનિટીને તાજેતરમાં અમેરિકી મેગેઝીન ટાઇમે 2019માં વિશ્વના મહાન સ્થાનોના લિસ્ટમાં જગ્યા આપી

સ્ટેચ્યુ ઓફ યુનિટિ દુનિયાની સૌથી ઉંચી પ્રતિમા છે. 180 મીટર ઉંચી આ પ્રતિમા ગુજરાતના કેવડિયા શહેરમાં નર્મદા નદી પર સરદાર સરોવર ડેમ પાસે આવેલી છે.  સરદાર સરોવર નર્મદા નિગમ લિમિટેડના પર્યટકોની વધતી સંખ્યા માટે ડિનો ટ્રેલ, તિતલી ગાર્ડન, કેક્ટસ ગાર્ડન, ચિલ્ડ્રન પાર્ક, જંગલ સફારી, ગ્લો ગાર્ડન, ફુડ કોર્ટ, વાઇફાઇ એક્સેસને ક્રેડિટ આપવામાં આવી છે. 

આ ઉપરાંત સરદાર સરોવર નિગમ લિમિટેડે કહ્યુ કે આ વર્ષે અગાઉના વર્ષની તુલનામાં સ્ટેચ્યુ જોવા આવનારા પર્યટકો વધ્યા છે. આ રીતે જો રોજ આવતા પર્યટકોની વાત કરીએ તો સ્ટેચ્યુ ઓફ યુનિટિએ અમેરિકાના સ્ટેચ્યુ ઓફ લિબર્ટીને પાછળ રાખી દીધુ છે. 

કેવી રીતે પહોંચશો સ્ટેચ્યુ ઓફ યુનિટી

સ્ટેચ્યુ ઓફ યુનિટી સુધી પહોંચવા માટે તમારે વડોદરા રેલવે સ્ટેશન કે એરપોર્ટ સુધીની ટિકિટ લેવી પડશે. ત્યાંથી તમે બાય રોડ કેવડિયા પહોંચી શકો છો. જો તમે અમદાવાદથી જશો તો તમારે 200 કિમીનુ અંતર કાપવું પડશે. તમે ભરુચ રેલ્વે સ્ટેશન સુધીની કોઇ ટ્રેન પણ લઇ શકો છો. તે પણ કેવડિયાના નજીકના સ્ટેશનમાંથી એક છે. કેવડિયા પહોંચ્યા બાદ તમારે સાધુ આઇલેન્ડ સુધી આવવું પડશે. કેવડિયાથી સાધુ આઇલેન્ડ સુધી 3.35 કિમી લાંબો રાજમાર્ગ બનાવાયો છે. ત્યારબાદ મેઇન રોડથી સ્ટેચ્યુ સુધી 320 મીટર લાંબો બ્રિજ લિંક પણ બનેલો છે. 

વિશ્વના મહાન સ્થળોમાં મેળવ્યુ છે સ્થાન

ગુજરાતના નર્મદા જિલ્લામાં સ્થિત સ્ટેચ્યુ ઓફ યુનિટીને તાજેતરમાં અમેરિકી મેગેઝીન ટાઇમે 2019માં વિશ્વના મહાન સ્થાનોના લિસ્ટમાં જગ્યા આપી. લાખો સહેલાણીઓ અત્યાર સુધી આ ભવ્ય સ્ટેચ્યુને જોવા માટે પહોંચી ચુક્યા છે અને આ સિલસિલો ચાલુ જ છે, સ્ટેચ્યુ ઓફ યુનિટીની આસપાસ ઘણા એવા ડેસ્ટીનેશન છે જ્યાં તમે નેચર અને એડવેન્ચરની મજા માણી શકો છો. અહીં રિવર રાફ્ટિંગ અને જંગલ સફારી પણ આ ટુરને એડવેન્ચરસ બનાવે છે.