- સ્નેહમિલન કાર્યક્રમમાં CM ભૂપેન્દ્ર પટેલના નિવેદન
- પદ મળ્યા બાદ નેતાઓએ કાર્યકર્તાઓને સાંભળવા જોઇએ
- સાંસદ અને ધારાસભ્ય સાથે સંકલનમાં રહી એક સાથે માંગણી કરો
વડોદરામાં CM ભૂપેન્દ્ર પટેલે સ્નેહ મિલન કાર્યક્રમને સંબોધન કરતા કહ્યું હતું કે સારૂ કામ કરવાવાળા કાર્યકર્તાઓની જરૂર છે, કોઇને હરાવવાનો પ્રયાસ નથી કરવાનો પણ પણ બધી સીટો જીતવાનો પ્રયાસ કરવાનો છે, આમ કહી તેમણે સી આર પાટીલે 182 વિધાનસભાની બેઠકના આપેલા ટાર્ગેટને ટાંકી કહ્યું હતું કે 2022માં એક પણ સીટ ન જાય તેવું કામ કરવાનું છે, કાર્યકર્તાઓમાં મને રણછોડ દેખાય છે. ભાજપ એવી પાર્ટી છે કે ગમે તે કાર્યકર્તાનો નંબર લાગી જાય તેમાં મારો દાખલો તમે લઈ શકો છો. પદ મળ્યા બાદ નેતાઓએ કાર્યકર્તાઓને સાંભળવા જોઇએ તેવી સલાહ પણ ભાજપના મોટા નેતાઓને આપી હતી.
પંચમહાલમાં શું કહ્યું?
પંચમહાલ જિલ્લા ભાજપનો સ્નેહ મિલન કાર્યક્રમ રાજ્યના મુખ્યમંત્રી ભુપેન્દ્ર પટેલની અધ્યક્ષતામાં આજે ગોધરા ખાતે યોજાયો હતો.કાર્યક્રમમાં મોટી સંખ્યામાં કાર્યકરો ઊમટતા શામીયાણો પણ ટૂંકો પડ્યો હતો.કાર્યક્રમમાં ઉપસ્થિતીઓને સંબોધતા મુખ્યમંત્રીએ ખેડૂતોને પ્રાકૃતિક ખેતી કરવા ઉપર ભાર મુક્યો હતો.
સી.કે.રાઉલજી સામે હળવાશના મૂડમાં કટાક્ષ કર્યો
આ સાથે જ મુખ્યમંત્રીએ ગુજરાતમાં ડાંગ જિલ્લામાં ખેડૂતો સંપૂર્ણ રીતે પ્રાકૃતિક ખેતી તરફ વળ્યા અંગેની જાણકારી આપતાં જે અંગે બે દિવસમાં જાહેરાત કરવામાં આવશે એમ જણાવ્યું હતું.વધુમાં મુખ્યમંત્રીએ પોતાના ઉદબોધનના પ્રારંભે ધારાસભ્ય સી.કે રાઉલજીએ પંચમહાલ જિલ્લામાં સિંચાઈ સુવિધા અંગે પોતાના વક્તવ્ય દરમિયાન મકાઈ ડોડા બતાવ્યા હતા જે બાબત હળવી મજાક સાથે સી.કે.રાઉલજીને વિરોધ કરવાની થોડી થોડી આદત છે એમ જણાવી જનમેદનીમાં હાસ્ય રેલાવ્યું હતું.એવી જ રીતે પોતાના સ્વાગત ટાણે હાથમાં ચાંદીના કડા પહેરાવવામાં આવ્યા હતા જે બતાવી જેઠાભાઇ ભરવાડનું જ કડું રહી ગયું અને બીજા નીકળી ગયા એમ જણાવ્યું હતું. મુખ્યમંત્રીએ પોતાના વધુમાં કાર્યકરોને તેમના વિસ્તારના બાકી કામો અંગે સાંસદ અને ધારાસભ્ય સાથે સંકલનમાં રહી એક સાથે માંગણી કરવી એટલે એકસાથે કામ પુરા થઈ જાય એમ જણાવ્યું હતું.વધુમાં મુખ્યમંત્રીએ ઉદબોધન પ્રારંભે જ કાર્યકતા અને પદાધિકારીઓના સંબધ અંગે હળવી શૈલીમાં જાણકારી આપી હતી.
