ઉનાળો / રાજ્યમાં અંગ દઝાડતી ગરમી હજુ પણ અઠવાડિયું રહેશે યથાવત્

રાજ્યના તાપમાનની વાત કરીએ તો, અમદાવાદમાં 45 ડિગ્રી, રાજકોટમાં 44 ડિગ્રી, વડોદરામાં 43 ડિગ્રી, કચ્છમાં 43 ડિગ્રી, સુરેન્દ્રનગરમાં 44 ડિગ્રી, અમરેલીમાં 44 ડિગ્રી, ઈડરમાં 43 ડિગ્રી, ડીસામાં 42 ડિગ્રી, પાટણમાં 42 ડિગ્રી, ખેડામાં 43 ડિગ્રી અને બોટાદમાં 43 ડિગ્રી તાપમાન નોંધાયુ છે.

તમને જણાવીએ કે, છેલ્લા ચાર દિવસથી ગરમીએ માઝા મૂકી છે ગરમીનો પારો 44 ડિગ્રી સુધી પહોંચતા જીવન અસ્ત વ્યસ્ત બન્યું છે. બપોરના સમયે ગરમીના કારણે લોકો પોતાના ઘરની બહાર નીકળવાનું ટાળી રહ્યા છે તેથી રસ્તાઓ સૂમસામ બન્યા છે. હવામાન ખાતાનું કહેવું છે કે હજી અઠવાડિયા સુધી ગરમી યથાવત્ રહેશે.

ત્યારે લોકો ગરમીથી બચવા માટે વિવિધ પ્રકારના ઠંડાપીણા નો ઉપયોગ કરી રહ્યા છે. ડોક્ટરની સલાહ છે કે ગરમીમાં કામ વગર નીકળવાનું ટાળવું જોઈએ અને સૂત્રાઉ ખુલ્લા કપડાં પહેરવાનો આગ્રહ રાખવો જોઈએ. જો કે ગરમીના કારણે છેલ્લા ચાર દિવસથી હોસ્પિટલમાં પણ લૂ લાગવાના ઊલટી અને માથાના દુખાવાના કેસોમાં વધારો થયો છે. જોકે હજી સુધી આગ દઝાડતી ગરમીની લોકોએ સામનો કરવો પડશે.