મંજૂરી / કોરોના ગાઈડ લાઈનના પાલન સાથે નિકળશે ઈદે મિલાદુન્નબીનું જુલુસ, રાજ્ય સરકારે આપી મંજૂરી

• રાજ્યમાં ઈદે મિલાદુન્નબીના જુલુસની શરતી પરવાનગી 
• CM ભુપેન્દ્ર પટેલની સૂચના બાદ ગૃહમંત્રીએ કર્યા આદેશ
• કોરોના ગાઈડ લાઈનના પાલન સાથે નિકળશે જુલુસ

પૈગમ્બર હજરત મોહમ્મદ સાહેબના જન્મ દિવસની ઉજવણીને લઈને મુસ્લિમ સમાજ દ્વારા તૈયારીઓ શરૂ કરી દેવામાં આવી છે. ત્યારે રાજ્ય સરકારે પણ ઈદે મિલાદુન્નબીના જુલુસની શરતી પરવાનગી આપી છે, મુખ્યમંત્રી ભૂપેન્દ્ર પટેલની સૂચના બાદ ગૃહમંત્રીએ આદેશ કર્યા છે કે રાજ્યમાં જુલુસ અંગેની SOPની આજે સત્તાવાર જાહેરાત કરવામાં આવી છે. 

CM ભુપેન્દ્ર પટેલની સૂચના બાદ ગૃહમંત્રીએ કર્યા આદેશ

મહત્વનું છે કે ગ્યાસુદ્દીન શેખ, જાવેદ પીરઝાદા, ઈમરાન ખેડાવાલાએ જુલુસની માંગ કરી હતી જે બાદ મુખ્યમંત્રી સાથેની ચર્ચા બાદ ગૃહમંત્રઈએ ત્રણેય ધારાસભ્યોને નિર્ણયની ટેલિફોનિક જાણ કરી હતી. જોકે ઈદે મિલાદુન્નબીના જુલુસનો સમય બદલાય તેવી શક્યતાઓ જોવા મળી રહી છે. આ જુલુસ કોરોના ગાઈડ લાઈનના પાલન સાથે નિકળશે તેવું મનાઈ રહ્યું છે. જો કે હજુ સુધી સત્તાવાર જુલુસ અંગેની SOPની જાહેરાત કરી નથી

કોરોના ગાઈડ લાઈનના પાલન સાથે નિકળશે જુલુસ

અહીં ઉલ્લેખનિય છે કે કોરોના કાળમાં કોરોના સંક્રમણ વધુ ન ફેલાઈ તે માટે કોવિડ લાઈડ લાઈનના નિયમોનું શખ્ત અનુસરવું અનિવાર્ય છે, જોકે હાલ રાજ્યમાં કોરોના સંક્રમણ ઘટ્યું છે, પરતું હજુ પણ કોરોના સંપૂર્ણ ગયો નથી,  હજુ પણ રાજ્યમાં કોરોના કેસ એક્ટિવ છે, તેવામાં લોકોને કોવિડ નિયમોનું પાલન કરવામાં માટે કહેવામાં આવે છે. હવે જ્યારે રાજ્યમાં ઈદે મિલાદુન્નબી જુલુસની પરવાનગી આપી છે એવામાં મુસ્લિમ સમાજ દ્વારા તૈયારીઓ શરૂ કરી દેવામાં આવી છે.