ભાજપમાં હાલ આંતરવિગ્રહ ચરમસીમાએ, પાટીદારો અને અન્ય કોમ વચ્ચે વર્ગવિગ્રહ કરાવવા માટે નીતિન પટેલ જવાબદાર હોવાનું ભાજપના જ આગેવાનો દ્વારા કહેવામાં આવી રહ્યુ છે. ઉત્તર ગુજરાતમાં મહેસાણા નીતિન પટેલનું ઘરઆંગણુ ગણવામાં આવે છે ત્યાં જ તેમના ઉપર આવા આરોપો લાગે એ શું ભાજતની પડતીના નિશાન છે?
ભાજપ જિલ્લા પ્રમુખના DyCM પર આક્ષેપ
નીતિન પટેલ પર જાતિવાદ ફેલાવવાનો આરોપ
ભાજપના નેતાના DyCM પર આરોપ
મહેસાણા જિલ્લામાં ભાજપમાં આંતરિક વિવાદ શરૂ થયો છે. જિલ્લા ભાજપના બક્ષીપંચ મોરચના પ્રમુખે નાયબ મુખ્યમંત્રી પર ગંભીર આક્ષેપ કર્યા છે.
ઉત્તરગુજરાતમાં જ નીતિન પટેલનો વિરોધ
દેવેન્દ્ર ઠાકોરે નીતિન પટેલ પર આક્ષેપ કરતા જણાવ્યુ કે, 2015થી નીતિન પટેલ વર્ગ વિગ્રહ કરાવી રહ્યા છે. નીતિન પટેલ પોતાનું રાજકારણ કરવા જાતિવાદનું ઝેર ફેલાવે છે. મુખ્યમંત્રી બનવા ગુજરાતમાં વર્ગ વિગ્રહ કરાવતા હોવાનો જિલ્લા બક્ષીપંચ મોરચાના પ્રમુખે આક્ષેપ કર્યા છે.
વડોદરાના ધારસભ્યોમાં આંતરક વિગ્રહ
વડોદરાના ધારાસભ્ય કેતન ઈનામદાર, મધુ શ્રીવાસ્તવ, સહિત ઉત્તર ગુજરાતમાંથી પણ કેટલાક ધારાસભ્યો દ્વારા જ પક્ષનો વિરોધ કરાઈ રહ્યો છે. ભાજપ સરકાર પોતાના જ ધારાસભ્યોનું ન સાંભળતું હોવાની વાત વારંવાર ઉચ્ચારવામાં આવે છે.
કેમ ભાજપમાં છે ભડકો
ભાજપમાં ભડકો થવાનું એક કારણ મુખ્યમંત્રીની ખુરશીને માનવામાં આવી રહ્યુ છે વળી એક વર્ગ એવી પણ ચર્ચા કરી રહ્યો છે કે, ભાજપમાં જૂના જોગીએ અને આયાતી ઉમેદવારો વચ્ચે ચકમક ઝર્યા કરે છે ત્યારે ફરીથી ઉત્તર ગુજરાતમાં રાજકારણ ગરમાયુ છે એટલું જ નહીં પરંતુ નીતિન પટેલ, અમિત શાહ અને આનંદી બહેનના માણસો વચ્ચે પણ વારેવારે હૂંસાતુસી થતી હોવાની ચર્ચા છે.