મહામારી / દેશમાં વિદેશી વેક્સિન સ્પુતનિક ક્યારથી મળતી થશે ? ડો. રેડ્ડી લેબોરેટરીના CEO એ આપ્યો આ જવાબ

• ડો. રેડ્ડી લેબોરેટરીના સીઈઓ દીપક સપરાએ જણાવ્યું
• મે મહિનાના અંતમાં રશિયાની સ્પુતનિક વેક્સિન ભારતમાં આવશે
• જુન-જુલાઈમાં ભારતીય કંપનીઓ સ્પુતનિકની વહેંચણી શરુ કરી દેશે

ડો. રેડ્ડી લેબોરેટરીના સીઈઓ દીપક સપરાએ જણાવ્યું કે મે મહિનામાં રશિયામાંથી સ્પુતનિકની પહેલી ખેપ આવશે. શરુઆતમાં સીમિત સંખ્યામાં વેક્સિન આવશે. ત્યાર બાદ જેમ જેમ ભારતીય મેન્યુફેક્ચર્સ વેક્સિનની ડિલિવરી વધારશે તેમ તેમ સપ્લાય વધતો જશે.

ભારતમાં સ્પુતનિક-વીના ઉત્પાદન માટે છ યુનિટોની પસંદગી

દિપક સપરાએ જણાવ્યું કે ભારતમાં સ્પુતનિક-વીના ઉત્પાદન માટે છ યુનિટોની પસંદગી કરવામાં આવી છે. તેમણે કહ્યું કે મે મહિનામાં રશિયાથી પહેલી ખેપ આવશે. જુન-જુલાઈમાં ભારતમાં રસી મળતી થઈ જશે. છ યુનિટમાંથી બે યુનિટ જુન-જુલાઈથી સપ્લાય શરુ કરી દેશે અને બાકીના યુનિટ સપ્ટેમ્બર કે ઓક્ટોબરમાં ભારતીય બનાવટની વેક્સિનની ડિલિવરી શરુ કરી દેશે. 

સ્પુતનિક વેક્સિનના 12 થી 13 કરોડ ડોઝ ભારત પહોંચે તેવી સંભાવના
કંપનીના પ્રતિનિધિઓએ જણાવ્યું કે 2021 માં ભારતમાં 12 થી 13 કરોડ લોકોના રસીકરણ માટે પર્યાપ્ત માત્રામાં ડોઝ પૂરા પાડવાની અમને આશા છે. જોકે સ્પુતનિકના કેટલા ડોઝ રશિયામાંથી ભારત મોકલવામાં આવશે તે અંગે કંઈ કહેવાયું નથી. કોવિડ-19 ની ખરીદી  માટેની સરકારી ગાઈડલાઈન અનુસાર, રશિયામાંથી આવનાર પહેલી ખેપ ખાનગી હોસ્પિટલોને હવાલે કરી દેવામાં આવશે ત્યાર બાદ ભારતમાં પ્રોડ્યુસ થયેલી વેક્સિન કેન્દ્ર અને રાજ્ય સરકારો તથા ખાનગી હિતધારકોની વચ્ચે વિભાજીત કરી લેવામાં આવશે.દિપક સપરાએ કહ્યું કે સ્પુતનિકની કિંમત હાલમાં નક્કી કરાઈ નથી. 

ભારતમાં ઓક્સિજન કન્સન્ટ્રેટર,વેન્ટિલેટરની અછત વર્તાઈ રહી છે. આ દરમિયાન બ્રિટનથી જીવન રક્ષક મદદ પેકેજનો પહેલો જથ્થો રવાના કરી દેવામાં આવ્યો હતો અને જે આજે નવી દિલ્હી પહોંચવાની આશા છે. જેમાં 495 ઓક્સિજન કન્સન્ટ્રેટર, 120 નોન ઈન્વેજિવ વેન્ટિલેટર અને 20 મેન્યૂઅલ વેન્ટિલેટર સામેલ છે.  બ્રિટનના પ્રધાનમંત્રી બોરિસ જોનસને કહ્યુ કે મુશ્કેલિના સમયે બ્રિટન ભારતની સાથે ઉભુ છે.

બ્રિટન સરકારના સૂત્રોએ જણાવ્યુ કે વિદેશી રાષ્ટ્રમંડળ અને વિકાસ કાર્યાલય(એફસીડીઓ) દ્વારા ચૂકવવામાં આવેલી આગામી ખેપની વ્યવસ્થા આ અઠવાડિયા દરમિયાન કરવામાં આવશે અને આમાં 9 એરલાઈન્સ કન્ટેનર લોડ સામિલ થશે. આમાં 495 ઓક્સિજન કન્સેન્ટ્રેટ, 120 નોન ઈન્વેજિવ વેન્ટિલેટર અને 20 મેન્યૂઅલ વેન્ટિલેટર સામેલ છે. જો કે ધ્યાન તાત્કાલીક જરુરી સાધનોને નિરંતર પ્રવાહને ઝડપી કરવા પર છે.

600થી વધારે મહત્વૂર્ણ ચિકિત્સકીય સાધનો ભારતમાં મોકલવામાં આવશે

લાંબાગાળાના સમયમાં ભારતમાં જરુરિયાતોને પુરી કરવા માટે સરકારી વિભાગો, બન્ને દેશોના ઉચ્ચાયોગો, બ્રિટનમાં ભારતીય મૂળના ગ્રુપોની વચ્ચે ચર્ચા ચાલુ છે. એફસીડીઓએ જાહેરાત કરી હતી કે ભારત સરકારની સાથે ચર્ચા બાદ કોવિડ 19ની વિરુદ્ધ ભારતની લડાઈમાં મદદ કરવા માટે 600થી વધારે મહત્વૂર્ણ ચિકિત્સકીય સાધનો ભારતમાં મોકલવામાં આવશે.

બ્રિટન ભારતની સાથે એક ‘મિત્ર અને સાથી’ના રુપમાં 

ખતરનાક વાયરસથી જીવનને બચાવવા માટે સેંકડો ઓક્સિજન કન્સેન્ટ્રેટર અને વેન્ટિલેટર સહિત મહત્વપૂર્ણ ચિકિત્સકીય સાધનો હવે બ્રિટન ભારતને પહોંચાડવાના માર્ગે છે. બ્રિટને ભારતની સાથે એક ‘મિત્ર અને સાથી’ના રુપમાં આ કપરા સમયમાં ઉભુ છે.