ખરું કહેવાય ! / લો બોલો! બોર્ડની પરીક્ષા ચાલુ થાય એટલે ટોયલેટ પણ નહીં જવાનું, જાણો ક્યાં અપાયા આદેશ

• 10મા ધોરણની પરીક્ષાના પ્રશ્નપત્રો લીક થતા રોકવા ઉપાડ્યું આ પગલુ
• પશ્ચિમ બંગાળ માધ્યમિક શિક્ષણ બોર્ડ ઉપાડ્યું કડક પગલુ
• સવા કલાક સુધી કોઈ પણ પરીક્ષાર્થીને શૌચાલય નહીં જવા દેવાય

પરીક્ષાર્થીને શૌચાલય જવા દેવામાં આવશે નહીં

નવા નિયમ મુજબ, પરીક્ષા શરૂ થયા બાદ સવા કલાક સુધી કોઈ પણ પરીક્ષાર્થીને શૌચાલય જવા દેવામાં આવશે નહીં. છ લાખ 21 હજારથી વધ યુવતીઓ અને લગભગ ચાર લાખ 96 હજાર યુવકો 7 થી 16 માર્ચ સુધી ધોરણ 10ની બોર્ડ પરીક્ષામાં સામેલ થશે. બોર્ડનું માનવુ છે કે પ્રશ્ન પત્ર મુખ્ય રીતે શૌચાલયના સમયે વોટ્સએપ અને અન્ય માધ્યમો દ્વારા લીક કરવામાં આવે છે. બીજી તરફ પરીક્ષાર્થીઓના કેટલાંક માતા-પિતાએ તેનો અત્યારથી વિરોધ શરૂ કરી દીધો છે. 

10મા ધોરણની બોર્ડની પરીક્ષાની અપડેટ

વિરોધ કરનારા લોકોનું કહેવુ છે કે આ રીતે કોઈને શૌચાલય જતા રોકવુ અયોગ્ય છે. જેનાથી કોઈ પરીક્ષાર્થીની તબિયત ખરાબ હોઇ શકે છે. શૌચ એક સ્વાભાવિક શારીરીક પ્રક્રિયા છે, જેને કંટ્રોલમાં રાખી શકાય નહીં. આ સંદર્ભે માધ્યમિક શિક્ષણ બોર્ડના અધ્યક્ષ કલ્યાણમય ગંગોપાધ્યાયે ફોન પર સંપર્ક કરીને તેમને કશું કહેવાનો ઈન્કાર કરી દીધો. ઉલ્લેખનીય છે કે આની પહેલા માધ્યમિક પરીક્ષા શરૂ થવાની 45 મિનિટ બાદ કોઈ પરીક્ષાર્થીને શૌચાલય જવાની મંજૂરી આપવાનો નિયમ હતો. પરંતુ તેના અનુપાલનને લઇને કડક વલણ અખત્યાર થતુ નથી. આ વખતે બોર્ડનું વલણ કડક છે.