વીડિયો વાયરલ / લો બોલો ! CM શિવરાજ બની ગયા 'પ્રધાનમંત્રી', સ્કૂલમાં બન્યું એવું હસી હસીને ગોટે ચડી જશો

• મધ્યપ્રદેશના મુખ્યમંત્રીનો વીડિયો સોશિયલ મીડિયા પર વાયરલ
• શિવરાજસિંહે ક્લાસમાં બાળકોને ભણાવ્યા અને તેમની સાથે ક્રિકેટ પણ રમી
• બાળકોએ સીએમ શિવરાજને 'પ્રાઈમ મિનિસ્ટર' કહીને બોલાવ્યા

 મધ્યપ્રદેશના મુખ્યમંત્રી શિવરાજ સિંહ ચૌહાણનો એક વીડિયો સોશિયલ મીડિયા પર ખૂબ વાયરલ થઈ રહ્યો છે, જેમાં તેઓ સ્કૂલમાં બાળકોની વચ્ચે હાજર છે અને ખૂબ હસી રહ્યાં છે. તેમની સાથે ઘણા અધિકારીઓ પણ જોવા મળી રહ્યા છે. આજકાલ તેઓ અચાનક અલગ-અલગ જિલ્લાઓની મુલાકાતે છે.

મુખ્યમંત્રીએ બાળકોને ભણાવ્યા અને ક્રિકેટ રમ્યા
મધ્યપ્રદેશના મુખ્યમંત્રી શિવરાજ સિંહ ચૌહાણ 'મામા'ના નામથી પ્રખ્યાત છે. બાળકો તેમને પ્રેમથી 'મામા' કહીને બોલાવે છે. શિવરાજ જ્યારે પણ બાળકોને મળે છે ત્યારે તેઓ તેમની સાથે ભળી જાય છે. શિવરાજની આવી જ નવી સ્ટાઈલ મધ્યપ્રદેશના સિહોર જિલ્લામાં જોવા મળી હતી. નસરુલ્લાગંજ સ્થિત રાઇઝ સ્કૂલમાં પહોંચેલા સીએમ શિવરાજે ક્લાસમાં બાળકોને ભણાવ્યા અને તેમની સાથે ક્રિકેટ પણ રમી.

।।तपः स्वधर्मवर्तित्वं।।

मध्यप्रदेश की 8.50 करोड़ जनता की सेवा ही मेरा धर्म है।
आज सीहोर में सीएम राइज विद्यालय का निरीक्षण कर नौनिहालों से संवाद किया। इन बच्चों के चेहरे पर मुस्कुराहट ही मेरा पारितोषिक है। इनसे ही मुझे और बेहतर कार्य करने की प्रेरणा और शक्ति प्राप्त होती है। pic.twitter.com/VIbbX9x1Lg

— Shivraj Singh Chouhan (@ChouhanShivraj) December 5, 2022

બાળકોએ શિવરાજસિંહને 'પ્રાઈમ મિનિસ્ટર' કહીને બોલાવ્યા
શિવરાજ જ્યારે બાળકોને ભણાવી રહ્યા હતા ત્યારે એવી ઘટના બની કે ત્યાં હાજર લોકો હસવા લાગ્યા. સ્કૂલના એક શિક્ષકે સીએમ શિવરાજ સિંહ ચૌહાણ તરફ ઈશારો કરીને ક્લાસ રૂમમાં હાજર બાળકોને પૂછ્યું, શું તમે તેને ઓળખો છો? આના પર બાળકોએ કહ્યું કે હા, અમે તેમને ઓળખીએ છીએ. બાળકોએ સીએમ શિવરાજને 'પ્રાઈમ મિનિસ્ટર' કહીને બોલાવ્યા. બાળકોના મોઢેથી આ સાંભળીને ત્યાં હાજર તમામ લોકો જોર જોરથી હસવા લાગ્યા.

શિવરાજસિંહે સ્કૂલનું નિરીક્ષણ કર્યું
બીજી તરફ બાળકો દ્વારા શિવરાજને પ્રધાનમંત્રી કહીને બોલાવતા શિક્ષકે પણ કહ્યું કે બાળકો ખૂબ જ મજાક કરે છે અને શિક્ષકે કહ્યું કે પછી બનશે પ્રધાનમંત્રી. ત્યારે બાળકોને મસ્તી મજાક કર્યા બાદ શિવરાજસિંહે સ્કૂલનું નિરીક્ષણ કર્યું હતું અને શિવરાજસિંહે શિક્ષકોને કહ્યું કે બાળકોને સારૂ શિક્ષણ આપવાનું કહ્યું હતું.

પુલ તેમજ રોડના કામનું પણ નિરીક્ષણ કર્યું
સ્કૂલની સાથે સાથે શિવરાજસિંહ ચૌહાણે જીલ્લામાં બની રહેલ પુલ તેમજ રોડ બની રહેલ જગ્યાની અચાનક મુલાકાત લીધી હતી. શિવરાજસિંહ ચૌહાણે કહ્યું કે ખરાબ કામ કરનાર શખ્સને માફ કરવામાં આવશે નહી. જે લોકો ઈમાનદારીથી કામ કરે છે. તેમને અમારી સરકાર ઈનામ આપશે અને જે લોકો ગૌટાળા કરવાવાળા માણસો એમના ઘરે જઈને બેસી જાય. તેમને કામ કરવામાં મુશ્કેલ થઈ જશે. એટલે વિશેષ ધ્યાન રાખવું. તેમજ શિવરાજસિંહ ચૌહાણે ત્યાં કામ કરી રહેલ લોકો સાથે પણ વાતચીત કરી હતી.