રિપોર્ટ / મોદી સરકારને રાહત ! S&Pએ ભારતના આઉટલુકને સ્ટેબલ ગણાવી BBB રેટિંગ યથાવત્ રાખ્યું

• સરકારને રાહત
• રેટિંગ એજન્સી S&Pએ ભારતના આઉટલુકને સ્ટેબલ ગણાવ્યું
• BBB રેટિંગ યથાવત્ રાખ્યું

આમ, અર્થતંત્રમાં સુસ્તી વચ્ચે કેટલીક રેટિંગ એજન્સી દ્વારા ભારતના રેટિંગને ઘટાડવાની સ્થિતિ વચ્ચે એસએન્ડપીના વલણથી સરકારને રાહત મળી છે.  રેટિંગ એજન્સીના આ સ્ટેબલ આઉટલુકનો રિપોર્ટ ટાંકીને આર્થિક બાબતોના સચિવ અતનુ ચક્રવર્તીએ આ માહિતી આપી હતી.

ગોલ્ડમેન સાશનો રિપોર્ટ

જોકે ગોલ્ડેમેન સાશ ભારતના જીડીપી ગ્રોથનું અનુમાન ઘટાડીને પાંચ ટકા કરી દીધું છે. ગોલ્ડમેન સાશના રિપોર્ટ અનુસાર નાણાકીય વર્ષ ૨૦૧૯-૨૦ માટે ભારતનો જીડીપી ગ્રોથ રેટ ૫.૩ ટકા રહી શકે છે. આ અગાઉ આ બ્રોકરેજે ભારતના ગ્રોથ રેટનું અનુમાન છ ટકા રહેશે એવું જણાવ્યું હતું, જે હવે ઘટાડી દીધું છે.

અતનુ ચક્રવર્તીએ ટ્વિટ કરીને આપી માહિતી 

એસએન્ડપીના રિપોર્ટ અંગે વાત કરતાં અતનુ ચક્રવર્તીએ ટ્વિટ કરીને જણાવ્યું છે કે એસએન્ડપીએ ભારતના સોવરેન રેટિંગને સ્ટેબલ આઉટલુકની સાથે BBB પર અકબંધ રાખ્યું છે. એજન્સીનું કહેવું છે કે તાજેતરનો ઘટાડો છતાં ભારતીય અર્થતંત્ર સતત લાંબા ગાળાનો ગ્રોથ હાંસલ કરી શકે છે. BBB રેટિંગ કોઇ પણ એકમની પોતાની નાણાકીય પ્રતિબદ્ધતાની પૂર્તતા કરવાની પર્યાપ્ત ક્ષમતા દર્શાવે છે.

સોવેરન રેટિંગ તરીકે ઓળખાય છે 

ઇન્ટરનેશનલ એજન્સીઓ વિવિધ દેશની સરકારોનું દેવું ચૂકવવાની ક્ષમતાનું મૂલ્યાંકન કરે છે. આ માટે ઇકોનોમિક, માર્કેટ અને પોલિટિકલ રિસ્કને આધાર બનાવવામાં આવે છે. આ રેટિંગ ત્રણ કેટેગરી-નેગેટિવ, સ્ટેબલ અને પોઝિટિવ હોય છે. જેને સોવેરન રેટિંગ કહેવાય છે. આ અગાઉ થોડા સમય પહેલા રેટિંગ એજન્સી મૂડીઝે પણ આઉટલુકને સ્ટેબલથી ઘટાડીને નેગેટિવ કરી દીધું હતું.