સિંગર એસ.પી બાલાસુબ્રમણ્યમનો કોરોના રિપોર્ટ પોઝીટીવ આવ્યો છે. સિંગરે આ વાતની જાણકારી બુધવારે એક વીડિયો દ્વારા આપી હતી. તેમણે જણાવ્યું કે તેમને થોડા સમયથી તાવ હતો અને શરદી હતી બાદમાં તેમણે કોવિડ ટેસ્ટ કરાવડાવ્યો હતો જે પોઝીટીવ આવ્યો હતો.
સુબ્રમણ્યમનો કોરોના રિપોર્ટ પોઝીટીવ
સારવાર માટે હોસ્પિટલમાં થયા દાખલ
બોલિવૂડ ભણી કોરોના
સિંગરે જણાવ્યું કે ડોક્ટરે તેમને ઘરમાં જ ક્વૉરંટાઇન થઇ જવાનું કહ્યું હતુ અને દવા લેવાનો નિર્દેશ કર્યો હતો. બાદમાં તેમણે કહ્યું કે તેમના ઘરના લોકો ચિંતિત હતા માટે તે હોસ્પિટલમાં દાખલ થઇ ગયા હતા.
હાલ તેમની તબિયત સુધારા પર છે પરંતુ શરદી હજૂ પણ છે. સિંગરે કહ્યું કે આ લક્ષણ પણ થોડા સમયમાં ઓછા થઇ જશે અને કોરોનાને તેઓ મ્હાત આપી દેશે. તેમણે ડૉક્ટરની પણ પ્રસંશા કરી હતી.
સુબ્રમણ્યમે તેમના મિત્રોને વિનંતી કરી હતી કે તેમને ફોન ના કરશો તેમની તબિયત સુધારા પર છે અને જલ્દી જ તેમને હોસ્પિટલમાંથી રજા પણ આપી દેવામાં આવશે.
વીડિયોમાં તેમણે શું કહ્યું
સિંગરે વીડિયોમાં કહ્યું કે, બે-ત્રણ દિવસથી તે સારુ મહેસૂસ નહોતા કરી રહ્યા અને બાદમાં શરદી પણ થઇ ગઇ હતી, જે બાદ તેમણે હોસ્પિટલ જઇને ટેસ્ટ કરાવડાવ્યો હતો. ડૉક્ટરે તેમને કહ્યું કે આ માઇલ્ડ કોરોના કેસ છે જલ્દી જ મટી જશે.